"Арабын нэгдсэн Эмират дахь баазаас АНУ-ын сөнөөгч онгоцнуудыг хөөрсний хариуд Ираны байлдааны онгоцнууд улсынхаа агаарын орон зайг хамгаалахаар нислээ” гэж РИА Новости агентлаг эх сурвалжийг дурдан мэдээлэв. Урьд шөнө Ираны Хувьсгалт Гварди (ИХГ) Ирак дахь АНУ-ын цэргийн базуудад пуужингийн цохилт өгсөн юм. АНУ-ын Ерөнхийлөгч Доналд Трамп, Төрийн нарийн бичиг Майк Помпео, Пентагоны гүйцэтгэх захирал Марк Эспер нар уг цохилттой холбогдуулан Цагаан ордонд яаралтай уулзалт хийсэн байна. Иран, Иракийн нутаг дэвсгэр, түүнчлэн Перс, Оман булангийн нутгаар дамжин АНУ-ын агаарын тээврийн нислэг үйлдэхийг Вашингтон хоригложээ.
