Баян-Өлгий аймгийн Мэргэжлийн хяналтын газраас аймгийн хэмжээнд банкны салбарт ажиллаж байгаа ажилтнуудын хөдөлмөрийн харилцаа, илүү цагийн хөлс олголт, ажлын байрны эрүүл ахуйн нөхцөл зэрэг асуудалд урьдчилан сэргийлэх хяналт шалгалт хийв. Шалгалтаар илэрсэн зөрчлийг арилгуулахаар албан шаардлага, ажлын байрны дүгнэлт, нөхөн олговрын акт үйлдэж, банкны удирдлагуудад хүргүүлсэн байна.
Тухайлбал, ажилтны цалин хөлсний зөрүүд 14 сая 394 мянга 286 төгрөгийг 14 ажилтанд, ээлжийн амралтын 923 мянга 898 төгрөгийг есөн хүнд, хөгжлийн бэрхшээлтэй иргэний төлбөрт 936 мянган төгрөгийг тус тус олгуулахаар болжээ.
