Мэргэжлийн иогийн аварга шалгаруулах уралдаан 7 дугаар сарын 1-нд Шангри-Ла Спортс клубт болох гэж байна. Уг тэмцээнийг Монголын мэргэжлийн иогийн спортын холбоо зохион байгуулахаар болжээ. Тэмцээн өсвөр нас, насанд хүрэгч, ахмад настан гэсэн гурван ангилалтай зохиогдоно. Ялагч нь эх орноо төлөөлөн ДАШТ-нд орох аж. Олон улсын мэргэжлийн иогийн холбооны зүгээс цаашид олимпийн спортын төрөлд оруулах зорилготой ажиллаж байгаа гэнэ.
