“Тамирчдад танилцуулаагүй атлаа олон нийтэд мэдээлсэнд гомдолтой байна”

Монголын бодибилдинг фитнесийн хөгж­лийн холбооноос допинг хэрэглэсэн тамирч­дын нэрийг зарласан. Үүнтэй холбоотойгоор шин­жилгээний хариуг зөвшөөрөхгүй бай­гаагаа Гавьяат тамирчин Б.Сугарсүрэн өчиг­дөр мэдээлэв. Өнгөрсөн долоодугаар сард зо­хион байгуулсан Ази тивийн аварга шал­гаруулах тэмцээний хариу саяхан гарчээ. Шин­жилгээгээр Гавьяат тамирчин Б.Сугар­сүрэн, М.Алтайбаатар, Г.Ууганчимэг, Э.Эр­хэм­­­билэг нараас допинг илэрсэн хэмээн дээрх хол­бооноос өнгөрсөн амралтын өдөр мэ­дээл­сэн юм. Харин Гавьяат тамирчин Б.Сугарсүрэн “Намайг допингийн шинжилгээнд бүдэрлээ гэж холбооноос мэдээлсэн. Хүний нэр төрийг унагаах гэж энэ мэдээллийг тэд түгээж байна. Допингийн шинжилгээг Ази тивийн аварга шал­гаруулах тэмцээний үеэр авсан. Үүнээс хойш хариу гарахгүй удсан тул холбооныхноос нэлээд хэдэн удаа тодруулсан юм. Гэсэн ч до­пингийн шинжилгээний газраас надад мэ­дэгдэл ирээгүй. Холбооноос энэ талаар та­мирчдадаа өмнө нь хэлээгүй байсан. Тухайн та­мирчинд эхлээд танилцуулаагүй атлаа олон нийтэд мэдээлсэнд гомдолтой байна. Надаас илэрсэн гээд байгаа бодисыг би хэрэглээгүй ээ. Азийн аварга шалгаруулах тэмцээнд орол­цох гээд жингээ хасаж байж, масс нэмэх бү­тээг­дэхүүн хэрэглэхгүй шүү дээ. Холбоо маш олон асуудалтайг би цахим хуудсаараа дам­­жуулан илчилсэн. Дэлхийн аварга шал­га­руулах тэмцээнд оролцуулахгүй байх гэж хол­бооны удирдлагууд олон арга сэдсэн. Мөн улсын төсвийн хөрөнгөөр Ази тивийн аварга шалгаруулах тэмцээнийг зохион байгуулсан. Санхүүжилтээ тамирчдадаа танилцуулдаггүй уч­раас аудитын шалгалт хийлгэмээр байна” гэв.

А.Үүл