Гашуунсухайт-Ганцмодны боомтын хил дамнасан төмөр замын  хэлэлцээрт гарын үсэг зурав

Ерөнхий сайд Л.Оюун-Эрдэнэ, БНХАУ-ын Тө­рийн зөвлөлийн Ерөнхий сайд Ли Чян нар өнгөрсөн баа­сан гарагт Харбин хотноо уул­заж, “Гашуунсухайт-Ганц­модны боомтын хил дам­насан төмөр зам, нүүрс­ний худалдаа, Та­ван­тол­гойн нүүрсний уур­хайн хүчин чадлыг нэ­мэг­дүүлэх хамтын ажил­ла­гааны тухай Засгийн газар хоорондын хэлэл­цээр”-т гарын үсэг зурлаа. Энэ нь манай улсын За­с­гийн газрын тэргүүний өмнөд хөршид хийж буй ажлын айлчлалын гол зорилго байсан бөгөөд уг хэлэлцээрийг ба­тал­гаа­­жуулснаар 2008 оноос яригд­сан хил дам­на­сан төмөр замын холболтын аж­лыг хуга­цаа ал­дал­гүй эхлүүлэх нөхцөл бүрдэв.
Хоёр орны Ерөнхий сайд нарын уулзалт тав дахь удаагийнх байлаа. Хамгийн сүүлд тэд 2024 оны арваннэгдүгээр сард Шанхай хотод уул­заж, ху­дал­даа, эдийн засгийн салбарт хамтын ажил­лагаагаа өргөжүүлэх, мега төслүүд хэрэг­жүүлэх Засгийн газар хоорондын хэлэлцээр, санамж бичиг, протокол зэрэгт гарын үсэг зурсан юм. Тэг­вэл үүнээс хойш Монгол, Хятад орны ха­рил­цаа, хамтын ажиллагаа идэвхтэй өрнөж, то­дор­хой ололт амжилт, дэвшил гаргасныг та­лууд уул­залтын үеэр онцлов. Энэ удаагийн хэлэлцээр ч хоёр талын хамтын ажиллагааг шинэ шатанд гар­гахад чухал ач хол­бог­долтойг дурдсан юм. 

Талууд цаашид өндөр, дээд түвшний харил­цан айлч­лалын давтамжийг хадгалах, хөгжлийн ст­ра­­­те­гийг харилцан уялдуулах, худалдааны бүт­­­цийг тө­рөл­жүүлэх, байгаль орчин, аялал жуулч­­лал, эрчим хүч, ногоон болон цахим эдийн зас­­гийн чиглэлээр хам­тын ажиллагаагаа өр­­­гө­­­­жүү­­лэхээр тохиролцов. Таш­рамд дурдахад, Ерөн­­­хий сайд Л.Оюун-Эрдэнэ айлч­лалынхаа хү­рээнд “Харбин-2025” Азийн өвлийн спортын ес дэх удаагийн наадмын хаалтын ёслолд оролц­лоо.