Зуны спортын VIII наадмын хөтөлбөрт дуатлоныг багтаалаа 

Засгийн газрын хэрэгжүүлэгч агентлаг Би­еийн тамир, спортын улсын хорооны дар­гын ту­шаалаар Монголын хүүхдийн зуны спор­тын VIII наадмын Зохион байгуулах хэлтэс бай­гуулж, нэгдсэн зааврыг нь баталсан. Түүнчлэн тус наадмын хөтөлбөрт дуатлоны спортыг анх удаа багтаажээ. Заавар ёсоор тамирчид 2.5 км гүйж, дараа нь 10 км уулын дугуйгаар уралдан, төгсгөлд нь 1.25 км гүйж барианд орох юм. Наадмын шигшээ тэмцээнүүд тавдугаар сарын 26-наас зургаадугаар сарын 5-нд Улаанбаатар хо­тод болно. Биеийн тамир, спортын улсын хорооны тухай хуулийн дагуу, Засгийн газрын тогтоолоор хүүхдийн спортын наадмыг хоёр жилд нэг удаа зохион байгуулдаг. Энэ нь зуны спортын төрлийг сурталчлах, өсвөр үеийнхний бие бялдрын боловсролыг дээшлүүлэх, тив, дэлхийд өрсөлдөх тамирчдын зал­гамж халааг бэлтгэж, ур чадварыг нь сайж­руулах зорилготой аж.