Эзэнгүй нохой, муурыг буудан устгаж эхэлжээ

Гэрийн тэжээвэр амьтны тухай хуу­лиар эзэнгүй нохой, муурын тоо тол­гойг буу­руулахдаа буудаж устгахыг хориг­ло­сон. Мөн харгис хэрцгий арга хэрэг­лэхгүй байх, үржил хязгаарлах аргыг нэн тэргүүнд эрхэмлэх, олон нийтийн газар, авто зам, гудамж, талбай, хүн амын суурьш­лын бүсэд устгахгүй зэргийг ч дээрх хуульд тусгасан юм. Гэтэл Баянзүрх дүүрэгт “Эзэнгүй нохой, муурын тоо тол­гойг бууруулах эрчимжүүлсэн үйл ажил­ла­гаа” нэрийн доор буудан уст­гах арга хэм­жээг эхлүүлжээ. Үүнийг өнгөрсөн даваа гаргаас эхэл­сэн бөгөөд энэ сарын 20 хүртэл үргэлжлэх юм билээ. Үүнтэй хол­боотойгоор айлуудыг но­хой, муураа ха­шаанаасаа гаргахгүй байхыг са­нуул­жээ. Нохой устгалд оролцож байгаа нэгэн “Дүүр­­гээс сум­ны, бас шатахууны мөнгө өг­сөн. Ийм бай­хад бид устгахгүй яах юм. Дүүр­гийн урд хэс­гээс эхлээд хойш чиг­лэл­тэйгээр “шүүр­дэх” мая­гаар ажиллаж байна” гэлээ. Өн­гөрсөн жил ч дүүр­гүүд ин­гэж ажил­ла­сан. 
Энэ талаар Баянзүрх дүүргийн То­хи­жилт, нийтийн аж ахуйн хэлт­сийнх­нээс тодруулахад “Гэрийн тэ­жээ­вэр амьтны тухай хуулийг дагаж мөр­дөх журмыг ба­­римт­лан ажиллаж байна. Уг журамд Гэ­рийн тэжээвэр амьтны ту­хай хуулийн 12.4 дэх хэсгийг буюу буу­даж устгахгүй гэ­сэн заал­тыг энэ хууль хүчин төгөлдөр болс­ноос хойш таван жи­лийн дараа дагаж мөр­дөхөөр тус­гасан. Одоо­гоор эзэнгүй но­хой, муурын тоо хэт олон учраас буу­дан устгаж байна. Цаашдаа хүн­лэг, энэ­рэн­гүй зарчмыг баримтална. Иргэд ч бас ха­­риуц­лагатай хандах ёстой. Нийс­лэ­лийн Мал эм­нэл­гийн газарт хан­даад но­хой, муур­таа үржил хяз­гаарлах мэс за­сал хийл­гэх боломжтой шүү дээ” гэж тайл­бар­лав.

А.Тэмүүлэн