2017 оны дөрөвдүгээр сарын 3-наас 10-ныг хүртэлх долоо хоногийн цаг агаарын урьдчилсан мэдээг танилцуулж байна. Хугацааны эхний хагаст салхи шуургатай, цаг агаар тогтворгүй байна.
Баруун аймгуудын нутгаар: 3-нд нутгийн хойд хэсгээр, 4-нд ихэнх нутгаар, 6-нд зарим газраар хур тунадас, уулархаг нутгаар нойтон цас орно. 9-нд нутгийн өмнөд хэсгээр бага зэргийн хур тунадас орно. Салхи 3-нд Алтайн уулархаг нутгаар, 4-нд зарим газраар 18-20м/с, 6-нд зарим газраар 12-14м/с хүрч шороон болон цасан шуурга шуурна. Хугацааны эхэн ба сүүлчээр дулаарна. Бусад хугацаанд Идэр, Тэс, Хүрэн бэлчирийн хөндийгөөр шөнөдөө 17-22 градус өдөртөө 1-6 градус, Алтайн өвөр говиор шөнөдөө 0-5 градус хүйтэн өдөртөө 10-15 градус дулаан, бусад нутгаар шөнөдөө 4-9 градус хүйтэн өдөртөө 7-12 градус дулаан байна.
Төвийн аймгуудын нутгаар: 3-нд нутгийн баруун хойд хэсгээр, 4-нд ихэнх нутгаар, 5-6-нд зарим газраар хур тунадас, уулархаг нутгаар нойтон цас орж шороон болон цасан шуурга шуурна. Салхи 3-6-нд зарим газраар 14-16м/с хүрч ширүүснэ. 3-4-нд Дархадын хотгороор шөнөдөө 3-8 градус хүйтэн өдөртөө 5-10 градус дулаан, Орхон-Сэлэнгийн хөндийгөөр шөнөдөө 0-5 градус өдөртөө 18-22 градус, бусад нутгаар шөнөдөө 3 градус дулаанаас 2 градус хүйтэн өдөртөө 13-18 градус дулаан байна. 5-8-нд бага зэрэг хүйтэрч Дархадын хотгор, Ерөө голын хөндийгөөр шөнөдөө 8-13 градус хүйтэн өдөртөө 2-7 градус дулаан, бусад нутгаар шөнөдөө 4-9 градус хүйтэн өдөртөө 8-13 градус дулаан байна. 9-нд ихэнх нутгаар дулаарна.
Зүүн аймгуудын нутгаар: 5-нд ихэнх нутгаар, 7-нд зарим газраар, 9-нд нутгийн хойд хэсгээр бага зэргийн хур тунадас, уулархаг нутгаар нойтон цас орно. Салхи зарим газраар 4-5-нд 16-18м/с, 6-7-нд 12-14м/с хүрч шороон болон цасан шуурга шуурна. 3-4нд ихэнх нутгаар шөнөдөө 1 градус хүйтнээс 4 градус дулаан өдөртөө 17-22 градус хүрч дулаарна. 5-наас бага зэрэг хүйтэрч Хэрлэн, Онон, Улз, Халх голын хөндийгөөр шөнөдөө 5-10 градус хүйтэн өдөртөө 4-9 градус дулаан, бусад нутгаар шөнөдөө 1-6 градус хүйтэн өдөртөө 8-13 градус дулаан байна. 9-нөөс дулаарна.
Говийн аймгуудын нутгаар: 5-нд зарим газраар, 7-нд нутгийн зүүн өмнөд хэсгээр бага зэргийн хур тунадас орно. Бусад хугацаанд хур тунадас орохгүй. Салхи 3-нд Арц Богдын өвөр хоолойгоор, 4-6-нд зарим газраар 14-16м/с, зарим үед түр зуур 18-20м/с хүрч шороон шуурга шуурна. 3-4-нд ихэнх нутгаар шөнөдөө 3-8 градус өдөртөө 18-22 градус хүрч дулаарна. Бусад хугацаанд Дундговийн нутгаар шөнөдөө 3-8 градус хүйтэн өдөртөө 9-14 градус дулаан, бусад нутгаар шөнөдөө 1 градус дулаанаас 4 градус хүйтэн өдөртөө 12-17 градус дулаан байна
