"Рио-2016" олимпийн наадмын буудлагын урт бууны эмэгтэйчүүдийн 10 метрийн дасгал манай цагаар өнөө орой 20:30 цагаас эхэлнэ. Тус төрөлд манай тамирчин Г.Нандинзаяа цэц мэргэнээ сорих юм. Тус дасгалд 37 орны 51 тамирчин өрсөлдөх аж. Үүний дотор олимп, дэлхийн аварга БНХАУ-ын Ду Ли, өмнөх олимпод энэ төрөлд аваргалсан дэлхийн рекордыг эзэмшигч БНХАУ-ын И Сылин нар байгаа юм. Урьдчилсан шатанд хамгийн өндөр оноо авсан найман буудагч шувтаргын шатанд өрсөлдөх юм.
