Баянзүрх дүүргийн II хорооны нутаг, Сансрын шатахуун түгээх станцын урд “Марк-II” маркийн 05-67 УБТ улсын дугаартай автомашин явган зорчигчийг дайрч амь насыг нь хохироон хэргийн газраас зугтсан хэрэг өнгөрсөн сард гарсан. Энэ автомашины жолооч У тухайн үед хэргийн газраас зугтсан байна.
Харин тэр үед уг ослыг харсан жолооч Б.Гантулга цагдаагийн байгууллагад дуудлага өгч, хэргийн газраас зугтсан жолоочийн хойноос хөөж, саатуулсан аж. Тиймээс иргэний үүргээ биелүүлсэн жолооч Б.Гантулгыг Тээврийн прокурорын газар, ЗЦГаас шагнаж урамшуулжээ.
