Монголын математикийн олимпиадын хорооноос зохион байгуулах олимпиадуудад оролцох багш, сурагчид цахимаар бүртгүүлэх шаардлагатай болжээ. Сургуулийн олимпиад хариуцсан ажлын хэсэг дээрх байгууллагын mmo.mn сайтад хандаж, багш, сурагчдаа бүртгүүлэх ёстой аж. Уг ажлын хэсгийн бүртгэл хариуцсан ажилтан олимпиад эхлэхээс 48 цагийн өмнө сурагчдыг системд нэвтрэх боломжоор бүрэн хангах ёстой гэнэ.
Тухайн сайтад бүртгэлтэй байсан сургуулиасаа шилжсэн тохиолдолд шинэ хаяг нээлгэх юм байна. Бүртгэлээс хоцорсон тохиолдолд 50 000 төгрөг төлж, бүртгүүлж болох аж.
Ташрамд дурдахад, 11 дэх удаагийн Ираны геометрын олимпиадыг энэ сарын 18-нд нийслэлийн I сургуульд зохион байгуулах гэнэ.
А.ДӨЛГӨӨН
