“Монголын төмөр зам” ТӨХК-ийн Гүйцэтгэх захирал Б.Отгонсүх “Солонгосын төмөр замын корпораци” (KORAIL)-ийн Гүйцэтгэх захирал Хан Мунхи тэргүүтэй төлөөлөгчдийг хүлээн авч уулзлаа.
Уулзалтын үеэр хоёр компанийн удирдлагууд шууд хамтын ажиллагаа тогтоох тухай харилцан санал илэрхийлж, Харилцан ойлголцлын санамж бичиг байгуулахаар тохиролцов.
“Солонгосын төмөр замын корпораци” (KORAIL) нь БНСУ-ын Засгийн газрын удирдлага дор үйл ажиллагаа явуулдаг төмөр замын үндэсний оператор компани бөгөөд хот хоорондын зорчигч болон ачаа тээвэр, хот доторх метро тээврийн үйл ажиллагаа, засвар үйлчилгээг хариуцдаг төрийн өмчийн аж ахуйн нэгж юм.
