Хүүхдэд зориулсан уран бүтээл туурвих хүсэлтэй залуу уран бүтээлчдийг дэмжих зорилготой “Next generation Mongolia-2024” хөтөлбөрийг тун удахгүй эхлүүлэх гэж байна. Уг хөтөлбөрийг Олон улсын хүүхэд, залуучуудын театрын холбооны Монгол дахь үндэсний төвөөс хэрэгжүүлдэг аж. Хөтөлбөрт оролцогчдыг уран бүтээлийн судалгаа хийж, төсөл бичих чадварт сургах нь. Мөн олон улсын урлагийн хөтөлбөр, фестивалиудад оролцох боломжоор хангах гэнэ. Түүнчлэн шилдэг оролцогчдоос Олон улсын хүүхэд, залуучуудын театртай хамтран ажиллах уран бүтээлчийг шалгаруулна.
“Next generation Mongolia-2024” хөтөлбөрийн хүрээнд тайзны дөрвөн бүтээлийг оролцогчид хамтран толилуулах аж. Тэндээс шалгарсан дөрвөн оролцогчийг олон улсын тэтгэлэгт хөтөлбөрт хамруулж, өөрийгөө хөгжүүлэхэд нь туслах гэнэ. Бүртгэл ирэх сарын 5 хүртэл үргэлжилнэ. Оролцох хүсэлтэй залуус дээрх байгууллагын цахим хуудсаар дамжуулан бүртгүүлж болно. Бүртгүүлэгчдэд хүүхдэд зориулсан уран бүтээл туурвих хүсэлтэй, тус байгууллагын гишүүн байх гэсэн шаардлагыг тавьж байгаа аж.
Бэлтгэсэн А.Үл-олдох
