Баянзүрх дүүргийн 28 дугаар хороо, Хужир булан орчимд Туул голд 6 настай хүүхэд голын усанд урссан дуудлага мэдээлэл энэ оны долоодугаар сарын 22-ны өдрийн 16.06 цагт бүртгэгдэж, Аврах ангийн алба хаагчид эрэн хайх ажиллагааг зохион байгуулан ажиллаж байна.
Зөхөн энэ сард нийслэлийн хэмжээнд голын усанд нийт 10 иргэн амь эрсэдсэнээс 3 нь хүүхэд байна. Гол шалтгаан нь иргэд архи согтууруулах ундааны зүйл хэтрүүлэн хэрэглэсэн, бага насны хүүхдийг хараа хяналтгүй орхисноос үүдэлтэй байгаа талаар Нийслэлийн онцгой байдлын газраас мэдээллээ.
Мөн сүүлийн өдрүүдэд үргэлжлэн орсон борооны улмаас гол, мөрний усны түвшин нэмэгдсэн тул голын усанд осолдож эрүүл мэнд, амь насаараа хохирох эрсдэлийг дагуулж байна.
Иймд:
- Хүүхдийг голын эрэг дагуу харгалзах хүнгүй явуулахгүй, тоглуулахгүй байх,
- Бага насны хүүхдэд тавих хараа, хяналтаа сайжруулах,
- Согтууруулах ундаа хэрэглэсэн үед голын усанд орохгүй байх,
- Дуу цахилгаантай аадар бороотой үед үер усны аюулаас сэрэмжтэй байхыг онцгойлон анхааруулж байна.
