Олон улсын геологийн II аварга шалгаруулах “ГЕОВЫЗОВ” тэмцээн ирэх есдүгээр сарын 3-13-нд болох нь ээ. ОХУ-ын Бүгд Найрамдах Башкортостан Улсад болох уг тэмцээн орос, англи дээр явагдана. Аварга шалгаруулах тэмцээний хөтөлбөрт геологийн маршрут, сорьц авах ажиллагаа, геологийн зүсэлт, палеонтологи, радиометр, геохими, гидрогеологи, газрын тос, байгалийн хийн салбарын тэмцээн, геологийн тухай үндсэн мэдлэгийн сорилт зэрэг багтах аж. Мөн соёл урлагийн болон хөгжөөнт төрөлд “Мэргэжлийн өдөр”, сургалт семинарууд, “Баатруудын уралдаан”, түүдэг галын дэргэдэх тухтай үдэш, Бүгд Найрамдах Башкортостан улсаар аялах хөтөлбөр багтжээ.
Тэмцээнд оролцох багийн бүрэлдэхүүнд 1 улсаас өөр өөр боловсролын байгууллагын оюутнууд багтах нөхцөлтэй. Баг бүр 7 оюутан, 1 харгалзагч хүнээс бүрдэх ёстой аж. Мөн дээд боловсролын байгууллага, дунд мэргэжлийн боловсролын сургалтын байгууллагуудын геологийн мэргэжлээр суралцаж буй оюутнууд оролцож болох юм байна. Аварга шалгаруулах тэмцээнд улс бүрээс нэг л баг оролцох боломжтой. Оюутнууд оролцогч болохын тулд зургадугаар сарын 30-ны дотор geovyzov@yandex.ru цахим шуудангийн хаягаар өргөдөл гаргах шаардлагатай аж.
