Ховд сум чиглэлийн авто зам энэ онд ашиглалтад орно. Тодруулбал, А0305 дугаартай улсын чанартай Ховд-Баян-Өлгий чиглэлийн авто замаас Ховд сум чиглэлийн хатуу хучилттай 18.755 км авто замыг энэ 2024 онд бүрэн барьж дуусгах нь.
Өнөөдрийн байдлаар далан болон хиймэл байгууламжийн ажлууд бүрэн дууссан. Дэд суурийн үе байгуулах ажил хийж, нийт 50 хувийн хэрэгжилттэй төлөвлөгөөний дагуу үргэлжилж байна.
Гүйцэтгэгчээр “Ди Вай Кей Би" ХХК ажиллаж байгаа бөгөөд 2024 онд барилгын ажил бүрэн дуусаж, улсын ашиглалтад хүлээлгэн өгөхөөр ажиллаж байна.
