2024 онд Улаанбаатар-Эрдэнэт-Булган-Мөрөн, Улаанбаатар-Цэцэрлэг-Улаангом-Боршоо боомт чиглэлийн 20 гүүрэнд техник ашиглалтын түвшин тогтоох үзлэг, судалгааг гүйцэтгэхээр төлөвлөн бэлтгэл ажлыг ханган ажиллаж байгаа талаар Зам, тээврийн хөгжлийн төв мэдээлэв.
Ингэхдээ тус гүүрнүүдийн зорчих хэсэг, алгасалтын бүтэц, тулгуур, гүүр замын уулзвар буюу дөхөх далан, бетон бүтээцийн бат бэх, эвдрэлийг судалж ашиглалтын нөхцөл байдлыг тодорхойлно.
Судалгааны ажлын үр дүнд дээрх 20 нэр бүхий гүүрний техник ашиглалтын түвшнийг холбогдох стандарт, журмын дагуу тодорхойлж, цахим санд мэдээллийг оруулах, тухайн гүүрэнд хийх засвар арчлалтын ажлын саналыг Зам, тээврийн хөгжлийн яаманд хүргүүлэн ажиллахаар төлөвлөж байна.
