Төрийн аудитын тухай хуульд заасны дагуу Үндэсний аудитын газраас 2024 оны №1219 тоот албан бичгээр Сангийн сайдын эрхлэх асуудлын хүрээний байгууллагуудын 2023 оны нэгтгэсэн санхүүгийн тайлан болон төсвийн гүйцэтгэлд аудит хийж, “Өөрчлөлтгүй” хэмээх дүгнэлт гарчээ.
Сангийн сайдын эрхлэх асуудлын хүрээний байгууллагуудаас Улсын төсөвт төвлөрүүлэх орлогыг 2023 оны төсвийн тухай хуулиар 14,225.6 тэрбум төгрөгийн орлого төвлөрүүлэхээр баталснаас гүйцэтгэлээр 15,360.3 тэрбум төгрөгийн орлого бүрдүүлэв. Энэ нь төлөвлөснөөс 1,134.7 тэрбум төгрөгөөр давуулан биелүүлсэн үзүүлэлт гэдгийг онцлов.
Тайлант онд Монгол Улсын Засгийн газрын баталгаатай “Хөгжлийн банк” ХХК-аас гаргасан Самурай бондын үлдэгдэл төлбөр болох 30.0 сая иенийг хугацаанд нь бүрэн төлж барагдуулсан. Энэ нь Монгол Улсын зээлжих зэрэглэлийг “B” буюу тогтвортой хэвээр хадгалахад нөлөөлөв.
Эх сурвалж: Сангийн яам
