Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 101 дэх өдөр бөгөөд он дуусахад 264 хоног үлдлээ.
- Цаг агаар өдөртөө 14 хэмийн дулаан бол шөнөдөө 0 градус хүйтэн байх нь ээ.
- Билгийн тооллын 3, Нэгэн эхийн зургаан хөвгүүн одтой, хөхөгчин могой өдөр. Өдрийн наран мандах, жаргах цаг нь 6:10-19:36. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Хүчин төгсөн сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно. Модон хохимой өдөр
- Валют арилжааны төвд ам.долларын авах ханш 3380.00 төгрөг, зарах нь 3384.00 төгрөг байна. Харин рублийн авах ханш 36.10, зарах ханш 36.40, юанийн авах ханш 469.00, зарах ханш 470.00, вонийн авах ханш 2.45, зарах ханш 2.48 төгрөг байна.
Өнөөдөр болох онцлох үйл явдлууд:
“Монгол Ньюс” мэдээллийн төвд:
- 09.00 цагт Монголын багш нарын VIII хурал Төрийн ордон, Чингис хааны музейд салбар хуралдаанаар эхэлнэ.
- 10.00 цагт Хуванцар дахин боловсруулалт болон эрүүл ахуй, чанарын үндэсний стандартын танилцуулга Блү скайт болно.
- 11.00 цагт 11.00 цагт Франц улсад болж буй иргэн Г.Ган-Очирын шүүх хурлын шийдвэрийг танилцуулах хэвлэлийн бага хурал болно.
- 11.00 цагт Шангрила зочид буудлын Парис Бээжин танхимд Монгол Улсын эдийн засгийн өсөлтийн төсөөлөл, цаашдын төлөвийг нарийвчлан танилцуулна.
- УИХ-ын нэгдсэн чуулган хуралдана.
Энэ өдөр дэлхийн түүхэнд:
- 1909 - Израйлийн Тел Авив хот байгуулагджээ.
- 1921 - Британийн засаг захиргааны удирдлага дор эмир Абдулла Трансйорданы төв засгийн газрыг байгуулахаар болов.
- 1945 - Дэлхийн II дайн: Америкийн цэргийн хүч Бюхенвальдын бөөнөөр хорих лагерийг чөлөөлжээ.
- 1951 - Солонгосын дайн: АНУ-ын ерөнхийлөгч Харри С.Труман Солонгосын командлалыг Зэвсэгт хүчний жанжин штабын дарга Дуглас МакАртурт шилжүүлэв.
- Шотландын палеонтологийн ангийн оюутнууд курсийн ажлийнхаа үеэр Шотландын хаадыг хаан ширээнд өргөмжилдөг байсан Сконы чулууг илрүүлжээ. Оюутнууд олсон эд өлгийн зүйлээ Уестминстерийн ордонд аваачсан гэдэг.
- 1955 - Хятадын Гоминдан намынхан Жоу Инлайг хороохоор түүний зорчиж явсан Энэтхэгийн агаарын тээврийн хунтайж онгоцыг дэлбэлэх ажиллагаа бүтэлгүйтэв.
- 1957 - Их Британичууд Сингапурын автономит эрхийг хүлээн зөвшөөрчээ.
- 1961 - Дэлхийн II дайны үед еврейчүүдийн эсрэг бөөнөөр устгах ажиллагаа зохион байгуулсан гэх үндэслэлээр Нацистын Германы СС-ын офицер Адольф Айхманныг шүүх ажиллагаа Йерусалем хотод эхэлжээ.
- 1955 - АНУ-ын баруун төвийн зургаан мужид 61 удаагийн хар шуурга бүртгэгдэж, дээрх байгалийн гамшигт амиа алдагсдын тоо 256-д хүрэв.
- 1968 - АНУ-ын ерөнхийлөгч Линдон Б.Жонсон Иргэний эрхийн гэрээнд гарын үсэг зурснаар хар арьстнууд худалдан авах, худалдаалах, түрээслэх, санхүүгийн үйл ажиллагаа явуулах эрхээр хангагджээ.
- 1976 - Технологийн алдарт Apple компанийн Apple I компьютерийг бүтээж дуусгав.
- 1979 - Угандагийн дарангуйлагч Иди Аминий засаглал нуран унажээ.
- 1981 - Их Британийн нийслэл Лондон хотын өмнөд хэсэгт эрхийнхээ төлөө жагсаж байсан тайван жагсаал эмх замбараагүй байдал болон хувирч 300 цагдаагийн ажилтан, 65 жагсагч хүнд гэмтжээ.
- 1987 - Йорданы хаан Хуссейн, Израйлийн гадаад харилцааны сайд Шимон Перес нар хамтран ажиллах нууц гэрээнд гарын үсэг зурав.
- 2002 - Тунисийн Гриба сүмд бөмбөг дэлбэрч 21 хүн амиа алдав. Уг халдлагыг Аль-Кайда бүлэглэл үйлдсэнээ хүлээн зөвшөөрчээ.
- Венесуэлийн ерөнхийлөгч Уго Чавезын эсрэг 200 гаруй хүнийг хамарсан жагсаал Каракас хотод болжээ. Бослогыг ерөнхийлөгчийн тушаалаар хүч хэрэглэн тарааж, 19 жагсагч амиа алдав.
- 2006 - Ираны ерөнхийлөгч Махмуд Ахмадинежад улсынхаа хэмжээнд ураныг амжилттай хөгжүүлж байгаагаа олон улсад зарлажээ.
- 2007 - Алжирийн дэлбэрэлт: Алжирийн нийслэл Алжир хотод хоёр ч удаа дэлбэрэлт болсоны улмаас 33 хүн амиа алдан, 222 гаруй хүн гэмтэж, бэртэв.
- 2011 - Беларусийн нийслэл Минскийн метронд дэлбэрэлт болж 15 хүн амиа алдаж, 204 гаруй хүн гэмтэж бэртжээ.
- 2012 - Индонезийн Суматра арлын баруун хэсэгт орших Вартон хошуунд газар хөдлөв. Индонезийн газар зүйн хүрээлэнгийн тооцооллоор магнитудын шатлалыг хоёр дахин үржүүлсэнтэй тэнцэх хүчтэй байжээ. Газар хөдлөлт хүн харьцангуй бага зэрэг суурьшсан бүс нутагт болсон бөгөөд арван хүн амиа алдаж, 12 хүн гэмтэж, бэртжээ.
