Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 04-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 96 дахь өдөр бөгөөд он дуусахад 270 хоног үлдлээ.
- Цаг агаар өдөртөө 10 хэмийн дулаан бол шөнөдөө -3 градус хүйтэн байх нь ээ.
- Билгийн тооллын 26, Чөдөр одтой, шарагчин гахай өдөр. Өдрийн наран мандах, жаргах цаг нь 6:22-19:28. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
- Валют арилжааны төвд ам.долларын авах ханш 3380.00 төгрөг, зарах нь 3384.00 төгрөг байна. Харин рублийн авах ханш 36.25, зарах ханш 36.70, юанийн авах ханш 466.10, зарах ханш 471.90, вонийн авах ханш 2.51, зарах ханш 2.53 төгрөг байна.
Өнөөдөр болох онцлох үйл явдлууд:
- 08.30-19.00 цагт МУБИС-д: “Монгол судлалын шинэ эрин-2024” олон улсын эрдэм шинжилгээний хурал болно.
- 09.00 цагт Тавантолгой дахь Зэвсэгт хүчний сургалтын нэгдсэн төвд зэвсэгт хүчний ангиудын тактикийн хээрийн сургуульд сэтгүүлчдийг оролцохыг урьжээ. Утас: 9979-5099, 8912-5099.
- 10.00-12.00 цагт Удирдлагын акаемид: Тус академийн 100 жилийн ойн ёслол болно.
- 11.00 цагт “Пума” зочид буудалд: Манай улсад ирсэн Германы Тюрингэн мужийн боловсрол, бизнесийн салбарынхан Герман улсад нарийн мэргэжлээр суралцах талаар мэдээлнэ. Утас: 9910-9295.
- 11.00-14.00 цагт МҮЭ-ийн СТО-нд: Сургуулийн өмнөх боловсролын байгууллагын 300 багш ажилтны чуулга уулзалт болно. Утас: 9929-5063, 9916-2538.
- 12.00 цагт “ЗМ”-ний мэдээллийн төвд: “Hero”-ийн найруулагч Б.Баатар сэтгүүлч Б.Ганчимэгийн ярилцлагын яриаг дур мэдэн нэвтрүүлгийн эвлүүлэгтээ ашиглаж, зөвшөөрөлгүйгээр цацсан талаар шүүхэд ханджээ. Утас: 8569-1176.
- 16.00 цагт ОХУ-ын А.Солженицыны нэрэмжит сангаас МБИС-д Оросын тэргүүлэх хэвлэлийн газруудын номуудыг бэлэглэж, номын үзэсгэлэн нээнэ. Утас: 9974-9024.
Энэ өдөр дэлхийн түүхэнд:
- 823 - Ромын пап I Паскал Италийн хаанаар I Лотейрыг өргөмжлөв.
- 1081 - Византын хаан ширээнд I Алексиос Комненос суужээ. Тэрээр тухайн үеийн Комненианы хант улсыг хамтатган захирах болсон юм.
- 1242 - Александер Невскийгээр удирдуулсан Оросын цэрэг Пейпусын нуурны орчим Тевтоникийн баатруудын эсрэг тулалдав.
- 1536 - Ариун Ромын эзэнт гүрэн Тунистэй хийсэн дайнд ялсантай холбогдуулан Ромд ялалтын сүрт баяр болжээ. Энэ нь Ромын эзэнт гүрний хувьд сүүлийн ялалт байсан юм.
- 1566 - Голландын 200 язгууртан Хендрик ван Бредеродын удирдлаганд нэгтэж одоогийн Испанийн Парма хот руу довтлов.
- 1609 - Японы өмнөд Кюшюгийн лорд Тадацүне Шимазү Рюкюгийн эзэнт гүрэнг амжилттай эзлэн авчээ.
- 1614 - Уугуул Америк үндэстэн Покахонтас одоогийн Виржиниа мужид Английн эзлэн түрэмгийлэгч Жон Рольфтой гэрлэв.
- 1710 - Их Британид Аннагийн тунхаг батлагдаж улмаар зохиогчийн эрхийн хууль хэрэгжиж эхэлжээ.
- 1722 - Голландын аялагч Якож Роггевийн Чилийн "Улаан өндөгний арал" буюу Пасхи арлыг илрүүлэв.
- 1792 - Америк даяар ерөнхийлөгч Жорж Вашингтоны хүч, эрх мэдэл хүчирхэгжиж эхэлжээ.
- 1795 - Базелийн энхийн гэрээнд сөргөлдөгч талууд гарын үсэг зурснаар Франц Пруссийн хооронд энхтайван тогтов.
