Өнөөдөр гадаа 4 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 82 дахь өдөр бөгөөд он дуусахад 284 хоног үлдлээ.
- Цаг агаар өдөртөө 4 хэмийн дулаан бол шөнөдөө -11 градус хүйтэн байх нь ээ.
- Билгийн тооллын 13, Их морь одтой, хөхөгчин тахиа өдөр. Сугар гараг. Өдрийн наран 6 цаг 50 минутад мандан, 19 цаг 08 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 10.40 цагаас Монгол Улсад айлчлал хийж буй Америкийн Нэгдсэн Улсын Төрийн нарийн бичгийн даргын орлогч Др. Курт М.Кэмпбэлл ГХЯ-д хүрэлцэн ирж хэлэлцээ хийж, мэдээлэл хийнэ.
- 11.30 цагаас ХЭҮК-ын хурлын зааланд Эрүү шүүлтээс урьдчилан сэргийлэх үндэсний ажиллагаанаас Сэтгэцийн эрүүл мэндийн үндэсний төвд 2023 онд хийсэн хяналт шинжилгээний талаар болон Эрүүл мэндийн сайд болон СЭМҮТ-ийн удирдлагуудад хүргүүлсэн зөвлөмжийн талаарх танилцуулгыг хийнэ
Энэ өдөр дэлхийн түүхэнд:
- 1630 онд Массачусетийн хошууны колонийн захиргаа хөзөр, шоо, хөзрийн ширээ зэргийг хууль бус гэж үзэв.
- 1713 онд Хойд Каролина мужийг Европын орнууд хуваан захирах болжээ.
- 1873 онд Испанийн үндэсний ассемблей Пуерто Рикогоос боол зөөвөрлөхийг хориглов.
- 1894 онд Хоккейн спортын түүхэнд Стенлигийн цомын төлөөх анхны плей-оффын тоглолт эхлэв.
- 1945 онд Египетийн нийслэл Кайр хотод Арабын лиг байгуулагджээ.
- 1972 онд АНУ-ын Конгресс Хүний эрхийн тэгш байдлын тухай хуулийг соёрхон баталж, улмаар АНУ-ын бүх муж даяар хэрэгжүүлэхээр болжээ.
- 1981 онд Монгол-Зөвлөлтийн хамтарсан Союз-39 сансрын нислэгээр огторгуйн уудамд ниссэн Жүгдэрдэмидийн Гүррагчаа нь сансарт ниссэн дэлхийн 101 дахь, Азийн хоёр дахь, анхны болоод цорын ганц Монгол хүн болов.
- 1993 онд Компьютерийн технологийн "Интел" корпораци "Пентиум" чипийн анхныхыг худалдаанд гаргав. Анхны "Пентиум" 60 мегагерцын хурдтай, 100+ дүрсний үзүүлэлттэй, 64 байтын багтаамжтай байжээ.
- 1997 онд Дэлхийн уран гулгалтын дэлхийн аварга шалгаруулах тэмцээнд 14 нас 9 сартай Тара Лапински түрүүлж тус тэмцээний түүхэн дэх хамгийн залуу аварга болжээ.
- 2017 онд Их Британийн нийслэл Лондон хотын Парламентын ордны гадаа террорист халдлага болж дөрвөн хүн амиа алдаж, 20 хүн шархдав.
