Өнөөдөр гадаа 3 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 71 дахь өдөр бөгөөд он дуусахад 294 хоног үлдлээ.
- Цаг агаар өдөртөө 3 хэмийн хүйтэн бол шөнөдөө -13 градус хүйтэн байх нь ээ.
- Билгийн тооллын 2, Дэлгэрүүлэгч одтой, хөхөгчин гахай өдөр. Өдрийн наран мандах, жаргах цаг нь 7:11-18:53. Тухайн өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй. Модон хохимой өдөр.
- Валют арилжааны төвд ам.долларын авах ханш 3380.00 төгрөг, зарах нь 3385.00 төгрөг байна. Харин рублийн авах ханш 35.60, зарах ханш 36.30, юанийн авах ханш 467.20, зарах ханш 471.70, вонийн авах ханш 2.55, зарах ханш 2.56 төгрөг байна.
Өнөөдөр болох онцлох үйл явдлууд:
- 09.30 цагт: СЕХ-нд: “Сонгуулийн боловсрол” сэтгүүлчдийн уулзалт болно. Энэ үеэр Харилцаа холбооны зохицуулах хороо, ХҮЭК-ын төлөөлөл оролцож мэдээлэл өгнө. Утас: 9912-2141.
- 10.00-20.00 цагт: “Улаанбаатар галлериа” төвд: Монгол үндэсний ёс заншил, соёл, нүүдэлчин ахуйг харуулсан залуу уран бүтээлчдийн уран зургийн үзэсгэлэн тогтмол гарч эхэллээ. Энэ оны анхны үзэсгэлэнгээр уран бүтээлч Ц. Түвшинжаргал “АЙСУЙ ЦАГИЙН АЯС" үзэсгэлэн нээгдээд байна. Үзэсгэлэн 3-р сарын 17-н хүртэл гарна. Утас: 7510-3003.
- 11.30 цагт Төрийн ордонд: Кибер аюулгүй байдлын зөвлөл хуралдсантай холбогдуулан кибер халдлага зөрчлийн нөхцөл байдал, авч хэрэгжүүлж буй арга хэмжээ, тулгамдаж буй асуудлын талаар ЦХХХ-ны сайд Н.Учрал мэдээлнэ.
- “ЗМ” сонины мэдээллийн төвд: 11.00 цагт “Монголын боловсролын системийн хооцрогдол: Амлалт болон хийх ажил” сэдвээр иргэн М.Төртогтох мэдээлэл хийнэ.
- 11.30 цагт ЭМЯ-ны дэргэдэх Нүд судлалын мэргэжлийн салбар зөвлөл: Дэлхийн Глауком өвчнөөс сэргийлэх 7 хоногийн хүрээнд хараа алдалтын эмгэг, өвчний талаар мэдээлнэ.
- 12.00 цагт Малчдын зээлийг тэглэх талаар Монголын Малчдын нэгдсэн холбооноос мэдээлэл хийнэ.
- 12.00 цагт “Монгол Ньюс” мэдээллийн төвд Монгол Улсын УГЗ, хөгжмийн зохиолч Д.Цэвээнравдан багшийн шавь нар болох уран бүтээлчид мэдээлэл хийнэ
Энэ өдөр дэлхийн түүхэнд:
- 538 - Остроготын хаан Витижес Ромын бүслэлтийг эцэслэх тулаанд ялалт байгуулж, бүслэлтээс чөлөөлөв. Ромыг тулаанд ялагдсан Византын эзэнт гүрний жанжин Белисариус орхин гарчээ.
- 1550 - Одоогийн Чилийн нутагт Испанийн 700 гаруй цэрэг Педро де Валдивиагийн удирдлага дор Мапуче омгийн 60,000 цэрэгтэй цуст тулаанаа эхлүүлэв.
- 1622 - Есүсийн нийгэмлэгийг үндэслэгчид болох Лоёола Игнатиус, Френцис Завьер нарыг Ромын Католик сүмээс гэгээнтэн болгожээ.
- 1689 - Ирландад дайн дэгдэв.
- 1811 - Францын маршал Мишель Ней Англи-Португалийн цэргийн хүчийг Рединагын тулаанд буулган авчээ.
- 1864 - Америкийн иргэний дайн: Улаан голын ойролцоо АНУ-ын тэнгисийн цэрэг 13 хуягт онгоц, 7 буутай завиар хүчээ зузаатгажээ.
- 1881 - Дэлхийн хөлбөмбөгийн түүхэнд анх удаа хар арьст тоглогч талбайд гарав. Шотландын шигшээ багийн Эндрью Уатсон анхны тоглолтод оролцсон байна.
- 1885 - Францын цэргийн хүч Вьетнамын Баг Нинь хотыг эзлэн авчээ.
- 1894 - Кока-Кола компани хийжүүлсэн ундааг анх удаа шилэн лонхонд савлан худалдаалж эхэлсэн байна.
