Өнөөдөр гадаа -5 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 04-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 64 дахь өдөр бөгөөд он дуусахад 302 хоног үлдлээ.
- Цаг агаар өдөртөө -5 хэмийн хүйтэн бол шөнөдөө -28 градус хүйтэн байх нь ээ.
- Билгийн тооллын 24, Тугчин одтой, цагаагчин тахиа өдөр. Ангараг гараг. Өдрийн наран 7 цаг 38 минутад мандан, 18 цаг 32 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номыг үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авахад сайн. Улаа гаргах, хиншүү хярвас гаргах, мод суулгах, нарийн зөвлөгөө хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3385.00 төгрөг, зарах нь 3390.00 төгрөг байна. Харин рублийн авах ханш 35.60, зарах ханш 36.30, юанийн авах ханш 467.20, зарах ханш 471.70, вонийн авах ханш 2.55, зарах ханш 2.56 төгрөг байна.
Өнөөдөр болох онцлох үйл явдлууд:
- 11.00 цагаас “Зууны мэдээ” сонины “Үндэсний мэдээллийн төв”-д Намуудын сонгуулийн мөрийн хөтөлбөрт өгөх санал: Эрдэнэс Тавантолгойг 99% иргэддээ өгөх, стратегийн орд газруудын 33%-ийг мөн иргэддээ өгөх, Иргэдээ бодлогын хүчээр баяжуулах арга замын талаар Үндсэн хууль тогтоогчдын холбооноос мэдээлэл хийнэ.
- 11.30 цагаас "Зууны мэдээ” сонины “Үндэсний мэдээллийн төв”-д АН сөрөг хүчин хийдэггүй УИХ-ын гишүүд, намын дэргэдэх байгууллагын дарга нар, луйварчдыг жагсаалтад оруулахыг эсэргүүцэж АН-ын анхан шатны гишүүдээс мэдээлэл хийнэ.
- 12.00 цагаас УДБЭТ-т МУ-ын Ардын жүжигчин Э.Амартүвшин хэвлэлийн бага хурал хийнэ.
- 13.00 цагт Нийслэлийн 71 дүгээр дунд сургууль дээр "Монголын гэрэлтэй ирээдүй" төслийн нээлт болно.
Энэ өдөр дэлхийн түүхэнд:
- 852 онд Хорватын хаан I Кнез Трпимир албан ёсны баримт бичигт "Хорват" гэж нэршихээр болжээ.
- 1238 онд Оросын хаан II Юрий хаанаар удирдуулсан Хаант Оросын цэрэг, Монголын Бат хааны армитай одоогийн Ярослав хотын ойролцоо Сит голын тулааныг эхлүүлжээ.
- 1493 онд Аугаа аялагч Кристофер Колумб Карибийн тэнгис болон Багамын арлуудаар хийсэн аялалаа өндөрлөж Лисабон хотноо эргэн ирэв.
- 1789 онд АНУ-ын Нью-Йорк хотноо АНУ-ын конгресс анхн хуралдаанаа хийв. Анхдугаар хуралдаанаар АНУ-ын Тусгаар тогтнолын тунхагыг батлажээ.
- 1837 онд АНУ-ын Чикаго хот үүсгэн байгуулагджээ.
- 1865 онд Америкийн эх газрын нэгдсэн улс одоогийн ашиглаж байгаа төрийн далбааг хэрэглэхээр болжээ.
- 1882 онд Их Британийн Лондон хотын зүүн хэсэгт анхны трамвайн шугам үйлчилгээнд нэвтрэв.
- 1890 онд Их Британийн хамгийн урт гүүр болох "Форт" гүүрийг ашиглалтанд оруулжээ. Шотландад байгуулсан уг гүүр 520 метрийн урттай юм. Нээлтийн ёслолд Уэльсийн хунтайж, хожмын хаан Эдуард оролцсон гэдэг.
- 1962 онд Каледонын агаарын тээврийн DC-7 хөлөг онгоц Камерун улсаас хөөрсөн даруйдаа осолдож, 111 хүн бүгд амиа алджээ.
- 2002 онд Афганистаны чөлөөлөх дайны үеэр маш доогуур нисэж явсан Америкийн нисдэг тэрэг осолдож улмаар Америкийн 7 цэрэг, Аль-Кайдагийн 200 цэрэг амиа алджээ.
