Өнөөдөр гадаа -12 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 02-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 33 дахь өдөр бөгөөд он дуусахад 332 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -31 градус хүйтэн байх нь ээ.
- Билгийн тооллын 20, Харцага одтой, харагчин морь өдөр. Ангараг гараг. Өдрийн наран 8 цаг 23 минутад мандан, 17 цаг 48 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавих, угаал үйлдэх, газар, лусын зан үйл хийхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3425.00 төгрөг, зарах нь 3432.00 төгрөг байна. Харин рублийн авах ханш 37.00, зарах ханш 37.70, юанийн авах ханш 473.40, зарах ханш 477.90, вонийн авах ханш 2.52, зарах ханш 2.65 төгрөг байна.
Өнөөдөр болох онцлох үйл явдлууд:
- 1920 онд Монголын үнэн сонинг санаачлан хэвлүүлж, 1921 онд Ардын хувьсгалыг удирдан, МАН-ыг үүсгэн байгуулсан Дамдины Сүхбаатарын мэндэлсний 131 жилийн ой тохиож байна.
- Тусгаар тогтнолын ордонд Сүхбаатар анимейшний нээлтийн арга хэмжээ болно.
- 14.00 цагаас Стандарт, хэмжил зүйн газрын Сорьцын хяналтын газраас “Мөнгөн завъяа” худалдааны төвд ажиллан худалдан борлуулж буй үнэт эдлэл, эрдэнийн чулуунд сорьцын баталгааны тэмдэг дарагдсан эсэхийг хянаж, шаардлагатай тохиолдолд сорьцын баталгаажуулалтанд хамруулна.
Энэ өдөр дэлхийн түүхэнд:
- 1531 онд Испанийн аялагч Педро де Мендоза Аргентиний нийслэл Буенос Айресийг анх илрүүлэв.
- 1653 онд Нью Амстердам (одоогийн Нью-Йорк) байгуулагдав.
- 1876 онд АНУ-ын Мэргэжлийн бейсболын лиг албан ёсоор байгуулагдав.
- 1899 онд Австралийн муж улсуудын захирагчид нийслэл хотыг Канберра байхаар шийджээ. Өмнө нь Сидней болон Мельбурн хотуудад ээлжлэн нийслэлээ болгодог байсан юм.
- 1901 онд Их Британийн хатан хаан Викториаг оршуулах ёслол болов.
- 1913 онд Нью-Йоркын метроны төв зогсоол баригдаж дуусав.
- 1922 онд Ирландын зохиолч Жеймс Жойсын "Үлисс" хэвлэгдэв.
- 1934 онд АНУ-ын Экспорт-Импортын банк байгуулагджээ.
- 1942 онд Норвегийн ерөнхий сайдаар Видкун Кийслингийг томилогдсонд эсэргүүцэн Освальд групп жагсаал зохион байгуулав.
- 1990 онд Өмнөд Африкийн ерөнхийлөгч Ф.В. де Леклерк амласнаа биелүүлж Нелсон Манделаг суллав.
