Өнөөдөр гадаа -15 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр жилийн 32 дэх өдөр. Энэ өдрөөс хойш он дуусахад 333 хоног үлдэнэ.
- Цаг агаар өдөртөө -15 хэмийн хүйтэн бол шөнөдөө -31 градус хүйтэн байх нь ээ.
- Билгийн тооллын давхарласан 21, Тэргүүн дагуул одтой, хөхөгчин хонь өдөр. Өдрийн наран 8 цаг 21 минутад мандан, 17 цаг 51 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Тэрсүүд өдөр. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3404.00 төгрөг, зарах нь 3407.00 төгрөг байна. Харин рублийн авах ханш 37.60, зарах ханш 37.80, юанийн авах ханш 474.00, зарах ханш 475.50, вонийн авах ханш 2.54, зарах ханш 2.56 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд “Бүсчилсэн хөгжил-Монголын эдийн засаг”-ийн форум эхэлнэ. Форум СТӨ-нд үргэлжилнэ.
- 11.00 цагт Богд хааны ордонд музейд: “Гайхамшигт өв соёл-Монгол уран хатгамал” үзэсгэлэн гарч байна.
“ЗМ”-ний мэдээллийн төвд:
- 11.30 цагт Зээлээ төлсөн ч Монголбанкны хар жагсаалтад орж хохирсон иргэд мэдээлэл хийнэ.
- 12.00 цагт Хүүхдийн амь насанд аюултай, өвлийн морин уралдааныг эсэргүүцэж ТББ, иргэдээс мэдээлнэ.
- 14.00 цагт Стандарт, хэмжил зүйн газраас “Мөнгөн завъяа” худалдааны төвд ажиллан худалдан борлуулж буй үнэт эдлэл, эрдэнийн чулуунд сорьцыг хянаж, баталгаажуулна. Утас: 9900-6045.
Энэ өдөр дэлхийн түүхэнд:
- 1327 - Английн хаан ширээн өсвөр настай III Эдуард суув. Гэвч үнэн хэрэгтээ түүний эх Изабелла, амраг Рожер Мортимерийн хамт улсаа захирч байсан гэдэг.
- 1587 - Английн хатан хаан Элизабэт 1 Шотландын Мари хатан хааныг цаазлах зөвшөөрөл өгчээ.
- 1662 - Хятадын цэргийн жанжин Кошинга Тайваны арлыг 9 сар бүслэв.
- 1788 - Исаак Бриггс болон Виллиам Лонгстрит нар уурын завьны патент авчээ.
- 1790 - АНУ-ын дээд шүүх анх удаагаа цугалжээ. Хамгийн анхны удирдагч нь Нью-Иоркийн Жон Жай гэдэг хүн байжээ.
- 1793- Франц улс Британи болон Нидерланд улсад дайн зарлав.
- 1796 - Дээд Канад Йорк хошууны Ньюарк хот руу нүүв.
- 1835 - Мауритиус улс боолчлолыг албан ёсоор халав.
- 1861 - АНУ-ын иргэний дайн: Техас муж АНУ-аас салан тусгаарлав.
- 1865 - АНУ-ын үндсэн хуулийн 13 дахь нэмэлт өөрчлөлтөд АНУ-ын ерөнхийлөгч Абрахам Линкольн гарын үсэг зуржээ.
- 1884 - Оксфорд Англи хэлний Толь бичиг анх удаагаа хэвлэгдэн гарчээ.
- 1893 - Нью Жэрсид, Томас Эдисон өөрийн киноны студээ нээжээ.
- 1897 - Өмнөд Солонгосын хамгийн хуучны банк болох Шинхан банк Сөүл хотноо нээгдэв.
- 1908 - Португалын хаан I Карлос болон түүний том хүү Луйс Филиппэ нар Лисабон хотын гудамжинд хувьсгалчидийн гарт алагджээ.
