Монгол Улсын гадаад валютын албан нөөц өнгөрсөн оны эцэст 4.91 тэрбум ам.долларт хүрснийг Төвбанкны статистикт дурдлаа. Энэ нь өмнөх сарынхаасаа 14.39, 2023 оны эхнээс 44.68 хувиар илүү үзүүлэлт бөгөөд түүхэн дээд түвшин гэдгийг статистикаас харж болохоор байв. Үүнээс өмнө эл үзүүлэлт 2021 оны дөрөвдүгээр сард 4.89 тэрбум “ногоон”-д хүрсэн нь түүхэн дээд түвшинд тооцогдож байсан юм. Сонирхуулахад, гадаад валютын албан нөөц 2019 оны арванхоёрдугаар сард 4.34, дараа жилийнх нь мөн үед 4.53, 2021 оны эцэст 4.36, 2022 оны тухайн сард 3.39 тэрбум ам.доллар байсан аж.
Бэлтгэсэн: Б.Сонор
