Хүчтэй салхи, шуурганы улмаас 14 цагийн байдлаар Увс аймгийн Зүүнхангай суманд автомашинтайгаа цасанд суусан 6, Ховд аймгийн Зэрэг, Цэцэг, Эрдэнэбүрэн, Чандмань суманд 19 гэр нурж, 4 байшингийн дээвэр хууларч, 2 автомашины шил хагарсан байна. Мөн Баян-Өлгий аймгийн Өлгий суманд нийтийн орон сууцны дээвэр хууларч, Увс аймгийн Өлгий суманд нэг гэр нурж, Говь-Алтай аймгийн Дарви суманд гурван гэр нурж, нэг автомашины салхины шил хагарсан дуудлага, мэдээлэл бүртгэгдлээ.
Дуудлагын дагуу тухайн Онцгой байдлын газрын алба хаагчид, орон нутгийн төр, захиргааны байгууллагын ажилтнууд хамтран аюулгүй болгож, тусламж үйлчилгээ үзүүлж ажиллалаа. Одоогоор салхи шуурганд төөрсөн, сураггүй болсон дуудлага мэдээлэл бүртгэгдээгүй байна.
