Цэцэрлэг-Тосонцэнгэл-Нөмрөг чиглэлийн Солонготын даваа, Мөрөн-Улиастай чиглэлийн Загастайн даваа, Улиастай-Алтай чиглэлийн Ганцын даваа-нд тус тус их хэмжээний цас орж байна. Тус чиглэлд зорчихдоо автомашины бүрэн бүтэн байдлыг хангаж, анхаарал болгоомжтой зорчихыг анхааруулж байна.
Өнөө шөнө Завханы зүүн, Хөвсгөлийн өмнөд, Архангайн баруун, Баянхонгорын хойд хэсгээр, маргааш өдөр Архангайн нутаг, Булганы өмнөд, Өвөрхангайн хойд, Төв аймгийн нутгийн баруун хэсгээр цасан шуурга шуурна.
Арваннэгдүгээр сарын 5-ны өдөр Баянхонгор, Өвөрхангайн өмнөд хэсэг болон Өмнөговийн нутгаар салхи секундэд 18-20 метр, зарим үед секундэд 24 метрийг давж ширүүснэ.
Өнөө маргаашдаа нутгийн төв хэсгээр, 5-нд нутгийн зүүн өмнөд хэсгээр нойтон цас, цас орж, цасан шуурга шуурч, хүйтэрч, зам даваа хаагдаж, халтиргаа гулгаа нэмэгдэхийг малчид, иргэд, тээвэрчдэд онцгойлон анхааруулж байна.
