БНХАУ нь нийт зургаан улстай зорчигч тээврийн харилцаанд галт тэрэг аялуулдаг. Өнгөрөгч дөрөвдүгээр сараас Лаос улстай олон улсын зорчигчийн галт тэрэгний хөдөлгөөнөө нээжээ. Монгол Улстай энэ оны есдүгээр сарын 1-нээс Улаанбаатар-Эрээн чиглэлийн олон улсын зорчигчийн галт тэрэгний хөдөлгөөнийг нээсэн.
“Улаанбаатар төмөр зам” ХНН-ийн дарга Х.Хэрлэн, “Хятадын төмөр замууд” корпорацын ерөнхий захирал Гуо Жусуе нар өнгөрөгч тавдугаар сард Бээжин хотноо уулзахдаа Монгол-Хятадын хооронд аялдаг олон улсын зорчигчийн галт тэрэгний хөдөлгөөнийг Эрээн, Хөх хот, Бээжин гэсэн дарааллаар үе шаттайгаар нээхээр тохирсон” гэлээ.
БНХАУ нь Казахстан, ОХУ, Вьетнам, БНАСАУ зэрэг улсуудтай олон улсын зорчигчийн галт тэрэгний хөдөлгөөнөө одоогоор нээгээгүй байгаа юм. ОХУ-ын Санкт-Петербург хотноо энэ сарын 11-нээс 15-ны өдрүүдэд хуралдаж байгаа Төмөр замуудын хамтын ажиллагааны байгууллагын гишүүн орнуудын Олон улсын зорчигчийн галт тэрэгний зурмаг тохирох хурлын үеэр ОХУ, Казахстан, Вьетнам зэрэг улсууд Хятадын талаас олон улсын зорчигчийн галт тэргээ яаралтай аялуулж эхлэхийг хүсжээ.
Эх сурвалж: "УБТЗ" ХНН
