Олон Улсын Хөдөлмөрийн Бага хурлын 111 дүгээр чуулган Швейцарын Холбооны Улсын Женев хотноо 2023 оны зургадугаар сарын 5-нд эхэллээ. Чуулганд хөдөл, нийгмийн хамгааллын салбарын төлөөлөл оролцож байна.
Энэ жилийн Чуулган цар тахлын дараагаар буюу эдийн засгийн сэргэлт хийх, хөдөлмөрийн ертөнц дэх дижитал, шинэ ур чадвар, дадлагажилт, хөдөлмөр эрхлэлтийг хамгаалахад чиглэн дэлхий нийтээрээ хүчин зүтгэж буй үед зохиогдож байна. Чуулганы арга хэмжээнд 187 гишүүн улсын Засгийн газар, ажил олгогч, үйлдвэрчний эвлэлийн байгууллагын 4000 гаруй төлөөлөгчид оролцож, цар тахлын дараах эдийн засгийн сэргэлт, үйлдвэрлэлийн бодлого, технологид суурилсан байгаль орчинд ээлтэй шударга нийгэм ба эдийн засгийн өсөлтөд чиглэсэн шилжилт, түүнд чиглсэн зохистой хөдөлмөр эрхлэлт, эрх тэгш нийгмийн төлөөх шударга даяарчлал, дадлаган хөдөлмөр эрхлэлт, хөдөлмөр хамгаалал зэрэг асуудлуудыг хэлэлцэж байна.
Чуулган зургадугаар сарын 13-ны өдөр хүртэл үргэлжлэх ба 14,15-нд “World of Work” сэдэвт дээд хэмжээний уулзалт зохиогдохоос гадна Санхүү, Хэрэгжилт ба тайлагналт, Стандарт зэрэг үндсэн хороодын хуралдаанууд болох юм.
