“Боловсролын шинэчлэл -2023” үзэсгэлэн 13 дахь жилдээ Мишээл экспо Олон улсын үзэсгэлэнгийн танхимд дөрөвдүгээр сарын 21-24 өдрүүдэд болж буй. Үзэсгэлэнг зорьсноор гадаад, дотоодын тэтгэлэгт хөтөлбөр, оюутны хөгжлийн зээлийн талаарх мэдээлэл авч болно.
Товчхондоо тус үзэсгэлэнд оролцсоноор дотоодын бүх их, дээд сургууль, коллежийн танилцуулга, гадаад, дотоодын тэтгэлэгт хөтөлбөр, оюутны хөгжлийн зээлийн талаар болон элсэлтийн ерөнхий шалгалттай холбоотой мэдээллүүдийг нэг дороос авах боломжтой.
Өөрийгөө ойлгож, мэргэжлээ таньж, сонголтоо хийсэн хүн бүхэнд дараагийн алхмаа хийх хамгийн том боломжийг энэхүү ҮЗЭСГЭЛЭН олгоно хэмээн зохион байгуулагчид онцлов.
