2023 оны элсэлтийн шалгалтын бүртгэл орон даяар Улаанбаатар хотын цагаар 2023 оны хоёрдугаар сарын 6-ны 09.00 цагт эхэлсэн. Өдгөө Монгол хэл бичгийн шалгалтын бүртгэл дуусахад дөрөв хоног үлдээд байна. Тодорхой хэлбэл, 2023 оны гуравдугаар сарын 31-ний өдрийн 18.00 цагт дуусна. Бүртгэлийг https://eyesh.eec.mn/ цахим хуудсаар хийнэ. Монгол хэл бичгийн шалгалт бүртгэлийн хураамжгүй. Харин бусад хичээлийн бүртгэл 2023 оны дөрөвдүгээр сарын 14-ний өдрийн 18.00 цагт дуусах бөгөөд хураамж нь 5800 төгрөг байх юм.
Шалгуулагчид Элсэлтийн ерөнхий шалгалтад бүртгүүлэхдээ:
Шалгуулагч зөвхөн өөрийн и-мэйл хаягийг ашиглана.
Элсэлтийн ерөнхий шалгалтад монгол хэл, англи хэл, орос хэл, математик, физик, хими, биологи, газар зүй, монгол улсын түүх, нийгэм судлал хичээлээс 2-оос багагүйг сонгож бүртгүүлнэ.
Элсэлтийн ерөнхий шалгалтын нэг хичээлийн төлбөр 5800 төгрөг байна
Элсэлтийн ерөнхий шалгалтын бүртгэлийн хугацаанд шалгалт өгөх хичээлээ сонгож төлбөрөө төлсөн байна.
Төлбөр төлөгдөөгүй тохиолдолд бүртгэл баталгаажихгүй.
Хөгжлийн бэрхшээлтэй болон тусгай сургуулийн суралцагчид Элсэлтийн ерөнхий шалгалтад бүртгүүлсэн бол холбогдох бичиг баримт /өргөдөл, эмчийн магадлагаа, сургуулийн тодорхойлолт/-ыг бүртгэлийн хугацаанд БҮТ-д ирүүлнэ.
