Өмнөговь аймгийн Төв номын сан нүүдлийн номын сангийн үйлчилгээг албан байгууллагуудад болон сумдад хүргэн ажиллаж буй. Энэ хүрээнд Даланзадгад сумын цэцэрлэгүүдийн ахлах бүлгийн хүүхдүүдийг хамруулан бага насны онцлогт тохирсон агуулгыг танилцуулжээ. Улмаар соёлын өвийн боловсролыг дээшлүүлэх, чөлөөт цагийг үр бүтээлтэй өнгөрүүлэх, бие даан хөгжих чадварыг нэмэгдүүлэх дээр анхаарч ажиллаж байна.
Үүнээс гадна Говь-Сүмбэр аймагт соёл урлагийн салбарынхан өөр нэгэн амжилт гаргасан байна. Тодруулбал, Шивээговь сумын соёлын төвийн дэргэдэх “Шивээн ганхаа” хамтлагийн 11 жилийн ойн “Нутгийн чимэг-8” тоглолт болсон. Тус хамтлагийнхан БНСУ-д болсон "Kасia International Dance Competition 2022" тэмцээнд амжилттай оролцож тэргүүн байр, гран-при шагналуудыг хүртсэн байна.
