“Apple” корпорац Их Британийн загвар зохион бүтээгч Стюарт Хьюзтай хамтран бүтээсэн шинэ загварын “iPad 2” хавтсан компьютерийг худалдаанд гаргасан тухай АР уламжилжээ. Найман сая ам.долларын үнэтэй уг компьютерийг үнэт чулуу, алт, тэр бүү хэл үлэг гүрвэлийн ясны хэлтэрхийгээр чимсэн аж.
Дээд зэрэглэлийн бараа бүтээгдэхүүний загвар зохион бүтээдэг Стюарт Хьюз “iPad 2 Gold History Edition” нэртэй эл бүтээлээ “Нийтэд зориулагдаагүй, чамин, цуглуулгынх” хэмээн онцолжээ. Компьютерийн гадуурх хөнгөн цагаан гэрийг алтаар бүрж, дэлгэцийг тойруулан очир эрдэнэ болон бусад үнэт болон хагас үнэт чулуу шигтгэсэн гэнэ.
