2022 оны Элсэлтийн ерөнхий шалгалт зургадугаар сарын 23-ний өдөр Улаанбаатар хотын цагаар 10.00 цагт эхлэх тов гарчээ. Улмаар түүхийн хичээлээр эхэлнэ. Шалгуулагч дараах материалыг бүрдүүлж ирнэ.
Үүнд:
- Иргэний үнэмлэх болон түүнтэй дүйцэхүйц баримт бичиг
- Бүртгэлийн хуудас /Энэ оны төгсөгч өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаас бүртгэлийн хуудсаа хэвлэн авч сурч буй сургуулийнхаа захирлаар гарын үсэг зуруулж, тамга даруулан баталгаажуулсан байх, өмнөх оны төгсөгчийн бүртгэлийн хуудас QR кодоор баталгаажсан байх тул шууд хэвлэн авна/
- Суудлын хуваарь /та өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаар нэвтэрч хэвлэж авна/
- Бүрэн дунд боловсролын гэрчилгээ
Шалгуулагч нь шалгалтад дээр заасан баримт бичгээс өөр эд зүйл /ном, дэвтэр, бугуйн цаг, ноорог цаас, тооны машин, томьёоны хураангуй, бал, гар утас ...гэх мэт/ авч орохыг хориглох аж. Харин Боловсролын үнэлгээний төв албан ёсны пэйж хуудсаараа дамжуулан "Сэтгэл зүйн зөвлөгөө үйлчилгээ"-г үзүүлж эхэлжээ. Өөрөөр хэлбэл, элсэлтийн ерөнхий шалгалтад бэлтгэж буй шалгуулагчид шалгалттай холбоотой стресс, санаа зовнил байгаа бол, шалгалтад сэтгэл зүйгээ хэрхэн бэлтгэхээ мэдэхгүй байгаа бол, шалгалтад бэлтгэхдээ анхаарлаа хэрхэн төвлөрүүлэхээ мэдэхгүй байгаа бол, шалгалтын айдсаа хэрхэн даван туулахаа мэдэхгүй байгаа бол сэтгэл зүйн зөвлөгөөг авах боломжтой.
