.jpg)
“Apple”-ийн ухаалаг гар утасны шинэ загвар болох “iPhone 4S”-ийг худалдан авахаар сая гаруй хүн захиалгаа урьдчилан өгөөд байгаа тухай тус компанийн цахим хуудсанд мэдээлжээ. Тэд өнгөрсөн даваа гаригаас захиалга авч эхэлсэн байна. ““iPhone” гар утасны түрүүчийн загваруудын захиалгатай харьцуулахад энэ нь дээд амжилт юм.
Тухайлбал, “iPhone 4” смартфоныг олон нийтэд танилцуулсан өдөр 600 мянган хүн худалдан авах захиалгаа өгсөн. Гэтэл хамгийн сүүлийн үеийн загварын гар утсыг одоогийн байдлаар нэг сая гаруй хүн захиалаад байна” хэмээн “Bloomberg” агентлаг онцолжээ. Дашрамд хэлэхэд, Стив Жобсын бүтээсэн сүүлчийн загвар “iPhone 4S”-ийг түүнийг нас барахаас нэг хоногийн өмнө олонд танилцуулсан юм.
Шинэ загварын гар утаснууд АНУ, Канад, Их Британи, Франц, ХБНГУ, Японд энэ сарын 14-нөөс худалдаанд гарна.
