Өнөөдөр гадаа 12 градус дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 4-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 94 дахь өдөр бөгөөд он дуусахад 271 хоног үлдлээ.
- Цаг агаар өдөртөө 12 хэмийн дулаан бол шөнөдөө -2 градус хүйтэн байх нь ээ.
-
Билгийн тооллын шинийн 3, Сумьяа гараг. Гоё хүүхэн одтой, улаагчин гахай өдөр. Өдрийн нар ургах 06.25 цагт манпаж, 19.26 цагт жаргана. Өдрийнсайн цаг нь гахай, үхэр, луу, морь, хонь, нохой болой. Үс засуулахад эд, мал баялаг төгөлдөр баясгалан болох сайн. Хол газар явагсад зүүн хойд зүгт мөрөө гаргавал зохистой. Хонь, туулай, гахай, нохой жилтнээ аливаа үйлийг хийхэд эерэг сайн. Харин могой жилтнээ сөрөг муу.
- Манай улсын голлох валют болох ам.долларын ханш авах нь 3010.00, зарах нь 3030.00 төгрөгтэй тэнцэж байгаа бол бусад валют болох рубль авах нь 37.30, зарах нь 38.30, юанийн авах ханш 493.00, зарах нь 498.00, вонын авах нь 2.66, зарах нь 2.70 төгрөгтэй тэнцэж байна.
Өнөөдөр болох онцлох үйл явдлууд:
1. 8.00 цагт Сонгинохайрхан дүүргийн Иргэний хэргийн шүүхийн гадна талбайд албан тушаалаа урвуулан ашиглаж,"Сант" сургуульд давуу байдал үүсгэсэн А.Энхтөр шүүгчийг эсэргүүцэж иргэн Б.Батдэлгэр цуглаан зохион байгуулна.
2. 9.00 цагт “Скай Рекорт”-ын “Хүн театр”-т “Аялал жуулчлалын үндэсний чуулган” болно. Утас: 99109816, 80098480
3. 9.30 цагт Нийслэлийн Эрүүгийн хэргийн давж заалдах шатны шүүхэд нийслэлийн Засаг дарга бөгөөд Улаанбаатар хотын Захирагч асан Э.Бат-Үүлийн давж заалдах шатны шүүх хурал болно. Утас: 88881985
4. 10.00 цагт Төрийн ордонд УИХ дахь МАН, АН-ын бүлэг хуралдана.
5. 10.00-10.14 цагт “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН САРЫН АЯН”-ы нээлт МҮЭСТО-нд болно. Нээлтэд яамдын ХАБЭА-н салбар хороо, Нийслэлийн 9 дүүргийн ХАБЭА-н зөвлөл, Хөдөлмөр, халамжийн үйлчилгээний газар хэлтэс, ХАБЭА-н чиглэлээр үйл ажиллагаа явуулдаг сургалтын байгууллага болон хувийн хэвшлийн аж ахуйн нэгж байгууллагын төлөөллүүд оролцоно.
Энэ өдөр дэлхийн түүхэнд:
- МЭӨ 503 - Ромын зөвлөлийн гишүүн Агриппа Менениус Ланатус Сабинесийн тулааны ялалтыг тэмдэглэн, цэргийн сүрт парад зохион байгуулах шийд гаргажээ.
- 1147 - Москва хотын талаар түүхэн сурвалж бичигт анх удаа дурдав.
- 1460 - Базелын их сургууль байгуулагджээ.
- 1581 - Английн аялагч, дэд-адмирал Френцис Дрейк дэлхийн эргэлтийн талаарх өөрийн үзлээ боловсруулав.
- 1660 - Бредагын тунхаг батлагдсанаар II Чарльз Их Британийн хаан ширээнд суужээ.
- 1721 - Их Британийн анхны ерөнхий сайдаар Сир Роберт Уолпол томилогдов.
