Дэлхийн супер модель Кэйт Мосс, гитарчин Жэйми Хинс нарын хурим Гэгээн Петрийн сүмд боллоо. Чимээ шуугиангүй нууцаар хуримлахыг хүссэн тэдний хуримын ёслолд жүжигчин Жуд Лоу, загвар өмсөгч Наоми Кемпбэл, дуучин Пол Маккартни нарын 300 зочин оролцжээ.
Мосс Вивьен Вествудийн даруухан цагаан даашинзаар гоёсон бөгөөд хуримын нийт зардал нэг сая фунт болов. Хуримын бялуу л гэхэд 10000 фунтийн үнэтэй байсан аж. Мосс, Хинс нар 2007 оноос болзож эхэлсэн бөгөөд сүйт залуу Кэйтээс таван насаар ах юм.
Тэдний дагавар хүүхдүүд сүйт бүсгүйн гэрч буюу бэргэний үүрэг гүйцэтгэжээ.
Т.ЖИГҮҮР
