“PlanetGOLD Алтны бичил уурхайд мөнгөн усны хэрэглээг зогсооход оруулах хувь нэмэр” төслийн хүрээнд Алтны бичил уурхайн зөвлөлөөс Ой, ус, тусгай хамгаалалттай газрын кадастрын хэлтэст Канад Улсын “AeroVironment Quantix Mapper” өндөр хүчин чадал бүхий дрон болон агаарын зураглал боловсруулах компьютер, программ хангамжийн хамт хүлээлгэн өглөө. Дээрх төслийг Даян дэлхийн байгаль орчны сангийнхан санхүүжүүлж, НҮБ-ын Байгаль орчны хөтөлбөр, Аж үйлдвэрийн хөгжлийн байгууллага болон Монгол Улсын Байгаль орчин, аялал жуулчлалын яам, Канад Улсын Алтны бичил уурхайн зөвлөлийн хамтран хэрэгжүүлж буй.
Энэхүү нисэх төхөөрөмжийн давуу тал нь уул уурхайн нөхөн сэргээлтийн ажилд хяналт мониторинг хийх, уул уурхайн улмаас эвдэрсэн газрын талбайн хэмжээ, эзлэхүүнийг тооцож зураглал үйлдэх, хөдөө аж ахуй, газар тариалангийн бүсийн хяналт мониторинг, ургамалжилтын ногоон массыг үнэлэх олон сувгийн Multispectral камераар тоноглогдсон бөгөөд 150-250 га талбайг нэг удаагийн нислэгээр зураглах хийх боломжтой юм.
