Холливудын од жүжигчин Том Хэнкс гэрээсээ хол зураг авалтын үеэр 30 орчим жил өөрт нь үйлчилсэн чиргүүлээ зарахаар болжээ. Тавилга, бүх тохь тухаар тоноглогдсон “Airstream Model 34” загварын чиргүүлийг алдартнаас 150-250 мянган доллароор худалдаж авах боломжтой гэнэ.
Аялалд зорилусан эл зөөврийн байшинг Хэнкс 1992 онд захиалгаар хийлгэжээ. "Sleepless in Seattle", "Forrest Gump, "Catch Me If You Can" зэрэг 20 орчим кинонд тоглох үед эл чиргүүл түүнд гэрийг нь орлож байсан аж. Дэлхийд алдартай “Airstream Model 34” нь унтлагын өрөө, зочны өрөө, гал тогоо, бие засах газар, шүршүүртэй бөгөөд дотоод засал чимэглэлд нь байгалын мод, даавуун материалыг түлхүү ашигласан байна. Дээвэр дээр суурилуулсан хос агааржуулагч нь жилийн дөрвөн улирал тасалгааны тохь тухыг хангана. Зөөврийн байшингийн хажуу тал нь эвхэгддэг саравчтай бөгөөд цэвэр агаарт тухтай суух боломжийг олгодог.
Холливудын од эл чиргүүлээ наймдугаар сарын дундуур дуудлага худалдаанд оруулах юм байна.
