Дэлхийн экспо болон Испанийн Соёлын нийгэмлэгээс өмнөх оны арваннэгдүгээр сарын 12- нooc өнгөрсөн сарын 10-нд www.chess24.com цахим платформд улс орнуудын сургуулиудын аварга шалгаруулах шатрын тэмцээнийг талдаа 20 минут, нүүдэл бүрт 10 секундийн нэмэгдэлтэй рапид төрлөөр зохион байгуулсан. Уг уралдааны дүнг саяхан танилцууллаа. Тэмцээнд 40 гаруй орны ерөнхий боловсролын сургуулийн болон шатрын сургалттай клуб, академийн 296 багийн 2664 тамирчин оролцож, оюун ухаанаa сорьсноос 10 улсын баг хэсгээсээ шалгарчээ. Монгол Улсаа төлөөлж өрсөлдсөн хоёр багаас нийслэлийн 33 дугаар сургуулийн шатрын багийнхан АНЭУ-ын Дубайд ирэх арваннэгдүгээр сарын 20-нд болох тус тэмцээний шигшээ шатанд тоглох эрх авлаа.
