Биеийн тамир, спортын улсын хорооноос улс орон даяар 14 хоногийн хугацаатай “Эрүүл мэндийн цахим гүйлт-2021” аяны дүн гарчээ. Уг уралдаанд Зэвсэгт хүчний 340 дүгээр ангийн баг буюу ахлах дэслэгч Л.Баттулга даргатай тамирчид амжилт гарган, дэд байранд шалгарсан байна. Цахим гүйлтийг нийслэлийн 9 дүүрэг, 21 аймагт зохион байгуулсан бөгөөд Баян-Өлгий аймагт зохион байгуулсан тэмцээнд барилгачин дайчид бусад төрийн байгууллага, аж ахуйн нэгжүүдийн багийг ардаа хол хаясан юм. Энэ аяны зорилго нь “Ковид-19” цар тахлын үед иргэдийг биеийн тамир, идэвхтэй хөдөлгөөний энгийн дасгал хөдөлгөөн, алхалт, гүйлтээр хичээллэхэд уриалах, спортоор хичээллэгчдийг нэмэгдүүлэх, чөлөөт цагаа зөв боловсон өнгөрүүлэх, бие бялдраа чийрэгжүүлж дархлаажуулахад оршиж буй.
Өчигдрөөс илүү маргаашийг
бүтээхийн төлөө
