Гадаадын иргэн, харьяатын газрын төв болон боомт, орон нутаг дахь нэгжүүд гамшгаас хамгаалах бүх нийтийн бэлэн байдлын зэрэгт шилжин ажиллаж байна. Үүнтэй холбогдуулан гадаадын иргэн, түүнийг уригч аж ахуйн нэгж байгууллагуудад үйл ажиллагаа, үйлчилгээтэй холбоотой зөвлөгөө, мэдээлэл өгөх зорилгоор “Онлайн туслах”-аа ажиллуулж эхэллээ. Уг “Онлайн туслах” цэс байгууллагын http://mn.immigration.gov.mn цахим хуудасны баруун доод буланд байрлаж байгаа бөгөөд ажлын өдрүүдэд 8:30-17:00 цагийн хооронд холбогдож гадаадын иргэн харьяаттай холбоотой аливаа асуудал, үйлчилгээтэй холбоотой зөвлөгөө, мэдээлэл авах боломжтой юм байна.
