Авто тээврийн үндэсний төвийн Тээвэрлэлт хариуцсан дэд захирал Ш.Батсайханыг албан тушаалаа урвуулсан хэргээр шалгуулж буй учир ажлаас нь чөлөөлсөн. Тэрбээр албан тушаалаа урвуулан ашиглаж хятадуудаас их хэмжээний авлига авсан бололтой. Тодруулбал, гадаад, дотоодын хөрөнгө оруулалттай нүүрс тээвэрлэгч компаниудад олон улсын ачаа тээврийн “С” зөвшөөрөл олгохдоо хахууль авсан гэнэ. Түүний хэргийг АТГ-ынхан шалгаж, прокуророос шүүхэд шилжүүлжээ. Маргааш Сүхбаатар дүүргийн Эрүүгийн хэргийн анхан шатны шүүхэд Ш.Батсайханд холбогдох хэргийн урьдчилсан хэлэлцүүлэг болно. Нийслэлийн прокурорын газраас түүнд Эрүүгийн хуулийн 22.1-1-д зааснаар яллах дүгнэлт үйлджээ.
