Өнөөдрийн тухай таны мэдэх ёстой 22 зүйлс: Соёлын сайд С.Чулуун Кино үйлдвэрийн ажилтай танилцана

Өнөөдөр гадаа 9-11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

10 дугаар сарын 09-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 282 дахь өдөр бөгөөд он дуусахад 83 хоног үлдлээ.
2. Цаг агаар өдөртөө 9-11 градусын дулаан бол шөнөдөө -5 градус хүйтэн байх нь ээ. Шөнөдөө цастай.
3. Билгийн тооллын 22, Хэрцгий охин одтой, хөхөгчин тахиа өдөр. Өдрийн наран 7 цаг 03 минутад мандан, 18 цаг 16 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. 
4. Үс шинээр үргээлгэх буюу засуулбал эд, эдлэл, идээ, ундаа олно.
   
5. “Найман шарга” валют арилжааны төвд ам.долларын авах ханш 2,854.00 төгрөг, зарах нь 2856.00 төгрөг байна. Харин рублийн авах ханш 37.10, зарах ханш 37.60, юанийн авах ханш 423.00, зарах ханш 424.50, вонийн авах ханш 2.44, зарах ханш 2.46 төгрөг байна.

Өнөөдөр болох үйл явдал:

1. 09.00 цагт Төрийн ордонд "Сүүдэр бүү тусга" аяны хүрээнд хүүхдийн эрх, хүүхэд хамгааллын асуудлаар төрөөс хэрэгжүүлж буй бодлогыг танилцуулах хэлэлцүүлэг болно.
2. 09.30 цагт МҮХАҮТ-ын Их танхимд ГЕГ, МҮХАҮТ, ТРАМ төслөөс “Гааль-бизнесийн түншлэл-2020” уулзалт зохион байгуулна.
3. 10.00 цагт МУИС-ийн Төв номын санд “Эрчим хүчний системийн аюулгүй байдал ба эдийн засгийн өсөлт” хэлэлцүүлэг болно. Утас: 99110848
4. 10.00 цагт НМХГ-т мэргэжлийн хяналтын байгууллагаас ЕБС-ийн сургуулиудын "Үдийн цай" хөтөлбөрийн хэрэгжилтэд хийсэн хяналт шалгалтын талаар мэдээлнэ. Утас: 91887887
5. 11.00 цагт Сүхбаатарын талбайд “Орон сууц, нийтийн аж ахуйн үйлчилгээний ажилтны өдөр-2020” өдөрлөг болно.
6. 11.00 цагт ЭМЯ-наас коронавирусний нөхцөл байдлын талаар цахимаар мэдээлнэ.
7. 11.00 цагт Монгол Улсын консерваторийн байранд циркийн уран бүтээлчид цаг үеийн асуудлаар мэдээлнэ.
8. 12.00 цагт “Мишээл Экспо” төвд харилцаа холбоо, мэдээллийн технологийн “ICT EXPO-2020” үзэсгэлэнгийн нээлт болно. Утас: 94999598
9. 12.00 цагт “Үндэсний мэдээллийн төв”-д БНХАУ-ын хөрөнгө оруулалттай компани онцгой байдлын байгууллагын ажилчдын байрны захиалгын мөнгөөр ломбард ажиллуулж, мөнгө  угаасан тухай хэргийн талаар иргэд мэдээлнэ.
10. 12.30 цагт “Blue Sky” зочид буудалд Монголбанкнаас Төрөөс мөнгөний бодлогын талаар 2021 онд баримтлах үндсэн чиглэлийн төслийг олон нийтэд танилцуулах хэлэлцүүлэг зохион байгуулна.
11. 15.00 цагт Соёлын сайд С.Чулуун Кино үйлдвэрийн ажилтай танилцана. Утас 90091979

Энэ өдөр дэлхийн түүхэнд:

1. 2009 онд АНУ-ын Ерөнхийлөгч Барак Обама Нобелийн энх тайвны шагналыг хүртжээ.
2. 1963 онд Вайот усан цахилгаан станцын усан савд хөрсний гулгалтаас үүссэн 90 метр өндөртэй давлагаанд Лонгарон хот усанд автжээ. Ойролцоогоор 3 мянган хүн амь үрэгдсэн байна.
   
3. 1940 оны энэ өдөр “Битлз” хамтлагийн гишүүн Жон Леннон төржээ.
4. 1874 онд Дэлхийн шуудангийн холбоо байгуулагджээ.
5. 1824 онд Коста-Рикад боолчлолыг халжээ.
6. 1780 онд Атлантикийн түүхэнд хамгийн их сүйрэл дагуулсан хар шуурга дэгджээ. 10 хоногийн дотор 22 мянган хүн амь үрэгджээ.