Өнөөдөр гадаа +21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 246 дахь өдөр бөгөөд он дуусахад 119 хоног үлдлээ.
- Цаг агаар өдөртөө 21 хэмийн дулаан бол шөнөдөө 9 градус дулаан байх нь ээ.
- Билгийн тооллын 16, Шувуун хушуут одтой, шарагчин тахиа өдөр. Өдрийн наран 6 цаг 13 минутад мандан, 19 цаг 30 минутад жаргана. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой.
- Үс шинээр үргээлгэх буюу засуулахад тохиромжгүй.
- “Найман шарга” валют арилжааны төвд ам.долларын авах ханш 2,852.00 төгрөг, зарах нь 2855.00 төгрөг байна. Харин рублийн авах ханш 39.00, зарах ханш 39.50, юанийн авах ханш 418.50, зарах ханш 419.00, вонийн авах ханш 2.42, зарах ханш 2.44 төгрөг байна.
Өнөөдөр болох онцлох үйл явдлууд:
- 07.30-09.00 цагт NCP байрны "COSY CLUB UB" ресторанд "АНУ, Монгол Улсын түншлэл ба Америкаас Монголын эдийн засагт үзүүлж буй дэмжлэг" өглөөний уулзалт, хэлэлцүүлэг болно. АНУ-аас Монгол Улсад суугаа Онц бөгөөд Бүрэн эрхт Элчин сайд Майкл Клечески оролцоно.
- 09.00 цагт ГХЯ-нд яамдын дэд сайд, төрийн нарийн бичгийн дарга, агентлагийн дарга, дэд дарга, гадаад харилцаа хариуцсан нэгжийн дарга , ажилтнуудад зориулсан "Гадаад бодлогын хэрэгжилтийг нэгдсэн зохицуулалтаар хангах" сургалтын нээлт болно. Нээлтэд Гадаад харилцааны сайд Н.Энхтайван оролцож үг хэлнэ.
- 11:00 цагт БХБ-ын сайд Б.Мөнхбаатар, Нийслэлийн Засаг даргын үүргийг түр орлон гүйцэтгэгч Ж.Батбаясгалан болон холбогдох албаны хүмүүс “Улаанбаатар хотын төв цэвэрлэх байгууламжийг шинээр барих төсөл”-ийн ажлын явцтай танилцана. Утас:88082470, 91119757.
- 11.00 цагт ЭМЯ-наас “COVID-19”-ийн халдварын нөхцөл байдлын талаар ээлжит мэдээллээ цахимаар хийнэ.
- 14.00 цагт Барилгын хөгжлийн төвд барилгын салбарын хөдөлмөрийн аюулгүй байдал, эрүүл ахуйн жишиг танхимын нээлт болно. Холбогдох утас: 91119757, 88082470
Энэ өдөр дэлхийн түүхэнд:
- 2017 онд БНАСАУ зургаа дахь удаагийн цөмийн туршилт хийсэн нь тус улсын түүхэн дэх хамгийн хүчтэй туршилт болсон юм.
- 1971 онд Катар тусгаар тогтносон улс болсноо дэлхий нийтэд зарлажээ.
- 2016 онд БНХАУ, АНУ "Парисын цаг уурын гэрээ"-г албан ёсоор соёрхон баталжээ.
- Өнөөдөр Австрали улсад төрийн далбааны өдөр тохиож байна.
