Өнөөдрийн тухай таны мэдэх ёстой 11 зүйл: ЭМЯ-наас коронавирусний нөхцөл байдлын талаар ээлжит мэдээлэл хийнэ

Өнөөдөр Улаанбаатар хотод +22 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй. Өнөөдөр 8 дугаар сарын 4-ний өдөр Өглөөд заавал мэдэж байх ёстой зүйлүүд:

1. Өнөөдөр бол жилийн 216 дахь өдөр бөгөөд он дуусахад 149 хоног үлдлээ.
2. Цаг агаар өдөртөө +22 градусын дулаан, бага зэргийн бороотой бол шөнөдөө +11 градус дулаан, үүлшинэ.
3. Билгийн тооллын 16. Ангараг гараг. Тооно одтой, Дөрвөн ногоон мэнгэтэй шарагчин туулай өдөр. Өдрийн наран 5 цаг 33 минутад мандан, 20 цаг 24 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
4. “Найман шарга” валют арилжааны төвд ам.долларын авах ханш 2849.00 төгрөг, зарах нь 2852.00 төгрөг байна. Харин рублийн авах ханш 39.20, зарах ханш 40.20, юанийн авах ханш 408.00, зарах ханш 409.00, вонийн авах ханш 2.39, зарах ханш 2.41 төгрөг байна.

Өнөөдөр болох онцлох үйл явдлууд:

1. 11.00 цагт ЭМЯ-наас коронавирусний нөхцөл байдлын талаар ээлжит мэдээлэл хийнэ.

Энэ өдөр дэлхийн түүхэнд: 

1. 1961 оны энэ өдөр Барак Обама мэндэлжээ.
2. Мөн 1987 оны энэ өдөр БНСУын дуучин, жүжигчин Jang Keun-suk мэндэлжээ.
3. 1924 онд Мексик болон ЗХУ дипломат харилцаа тогтоож байжээ.
4. 1947 онд Японы Дээд шүүх байгуулагдаж байжээ.
5. 2007 онд НАСА "Phoenix" хэмээх сансрын хөлгөө сансарт хөөргөжээ.
6. 1977 онд АНУ-ын 39 дэх Ерөнхийлөгч Жимми Картер АНУ-ын Эрчим хүчний яамыг байгуулах хууль тогтоомжид гарын үсэг зурж байсан аж.