Өнөөдөр Улаанбаатар хотод +28 градус дулаан, бага зэргийн бороо орно. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 212 дахь өдөр бөгөөд он дуусахад 153 хоног үлдлээ.
- Цаг агаар өдөртөө +28 градусын дулаан бол шөнөдөө 15 градус дулаан, бага зэргийн бороо орно.
- Билгийн тооллын 12. Сугар гараг. Гар одтой, найман цагаан мэнгэтэй хөхөгчин гахай өдөр. Өдрийн наран 5 цаг 28 минутад мандан, 20 цаг 29 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, нялхсын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2850.00 төгрөг, зарах нь 2852.00 төгрөг байна. Харин рублийн авах ханш 39.60, зарах ханш 40.30, юанийн авах ханш 407.50, зарах ханш 408.50, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
- 10.00 цагт "Холидэй Инн" зочид буудалд Улаанбаатар хотын төв цэвэрлэх байгууламжийг шинээр барих зураг төслийн хэлэлцүүлэг болно. Холбогдох утас: 9411-4372
- 10.00 цагт ГХЯ-нд ОХУ, БНХАУ-тай хийж буй хамтын ажиллагаа, харилцаа, "COVID-19"-тэй холбоотой хүмүүнлэгийн туслалцаа, экспортыг нэмэгдүүлэх "Ногоон гарц" зэрэг цаг үеийн асуудлаар мэдээлнэ.
- 11.00 цагт ЭМЯ-наас коронавирусний нөхцөл байдлын талаар ээлжит мэдээлэл хийнэ.
- 12.00 цагт "Хөгжлийн үүд" төслийн "Морингийн даваа орчмын шинэ суурьшлын бүс"-ийн нээлтийн ажиллагаа болно.
- 15.00 цагт МУИС-ийн 1, 2 байрны дугуй танхимд Унгар улсаас Монгол Улсад суугаа ЭСЯ-наас тус улсын Засгийн газрын “Stipendium Hungaricum” тэтгэлэгт хөтөлбөрийг танилцуулна.
Энэ өдөр дэлхийн түүхэнд:
- 1708 онд Лондонд сууж байсан Оросын Элчин сайд Андрей Матвеев халдлагад өртжээ.
- 1715 онд Санкт-Петербургийн Охтад дарийн завод барьж эхэлжээ.
- 1748 онд Нева мөрөн дээр 122.5 метрийн ганжир Петропавловскийн сүмийн оройд босч, түүнд аянга байнга буух болов.
- 1792 оны энэ өдөр Францын агуу хувьсгалыг Европын хаант засаглалын орнуудын түрэмгийллээс хамгаалахаар марсельчуудын 500 хүнтэй сайн дурын суман Парист орж иржээ. Тэд аяныхаа марш болгон цэргийн инженер Клод Жозеф Руже де Лилийн (1760-1836) зохиосон “Рейны армийн цэргийн дууг” сонгон авсан байлаа.
- 1838 онд Лондонд мэлхийгээр бороо оржээ.
- 1863 – Францын нэртэй сэтгүүлч бөгөөд гэрэл зурагчин, шог зураач мөн агаараар хөвөлтийг дэмжигч Надар Капуцины гудамж дахь өөрийн урланд аэростат хэрэглэхийг хориглох уриалга гаргажээ.
- 1984 онд NBC телевизээр "Санта-Барбара" олон ангит киног үзүүлж эхлэв.
- 1990 онд Америкийн Роб Брайант шуудуу ухдаг машинаар Лос-Анжелесаас Вашингтон хүртэлх 5279 км замыг туулжээ.
- 1991 онд Дуурийн урлагт хүчин зүтгэсэн 30 жилийн ойгоо тэмдэглэн Лондны гайд паркт Лучано Паваротти 100000 үзэгчдэд нүсэр концерт тоглов.
