Өнөөдөр гадаа 32 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 204 дахь өдөр бөгөөд он дуусахад 162 хоног үлдлээ.
- Цаг агаар өдөртөө 32 хэмийн дулаан бол шөнөдөө 17 градус дулаан байх нь ээ.
- Билгийн тооллын 2. Буд гараг. Үнэг одтой, найман цагаан мэнгэтэй улаан бар өдөр. Өдрийн наран 5 цаг 17 минутад мандан, 20 цаг 41 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Их халуун болох улирал 17 цаг 23 минутад эхэлнэ. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2847.00 төгрөгтэй тэнцэж байгаа бол бусад валют болох рубль 40.50, юань 409.00, вон 2.38 төгрөг байна.
Өнөөдөр болох үйл явдлууд:
- 11.00 цагт МУИС-ийн нэгдүгээр байрны Дугуй танхимд Төрийн өмчийн бодлого, зохицуулалтын газраас МУИС-ийн багш, ажилтнуудад орон сууц эзэмших эрхийн бичиг гардуулах ёслол болно. Утас: 99002019
- 11.00 цагт ЭМЯ-наас шинэ коронавирусний нөхцөл байдлын талаар цахимаар мэдээлнэ.
Энэ өдөр дэлхийн түүхэнд:
- Өнөөдөр Азербайжан улсад Хэвлэлийн эрх чөлөөний өдөр тохиож байна.
- 1992 оны энэ өдөр Америкийн алдарт дуучин, жүжигчин Селена Гомез мэндэлжээ.
- Мөн 1980 оны энэ өдөр БНСУ-ын реппер, продюсер, Epik High хамтлагийн гишүүн Табло мэндэлжээ.
- 2015 онд Чех улсад галт тэрэг төмөр замын платформтой мөргөлдсөнөөс болж 3 хүн нас барж, 17 хүн шархдаж байжээ.
- 1983 онд Польшийн цэргийн гол хууль цуцлагджээ.
- 1977 онд БНХАУ-ын дарга Дэн Сяопинг Засгийн хүчийг эргүүлэн авчээ.
