Танд өнөөдрийн цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 197 дахь өдөр бөгөөд он дуусахад 168 хоног үлдлээ.
- Цаг агаар өдөртөө бороотой, 20 хэмийн дулаан бол шөнөдөө 15 градус дулаан байх нь ээ.
- Билгийн тооллын 26, Нэгэн эхийн зургаан хөвгүүн одтой, цагаан бич өдөр. Өдрийн наран 5 цаг 10 минутад мандан, 20 цаг 46 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
- “Найман шарга” валют арилжааны төвд ам.долларын авах ханш 2833.00 төгрөг, зарах нь 2836.00 төгрөг байна. Харин рублийн авах ханш 40.70, зарах ханш 40.30, юанийн авах ханш 401.50, зарах ханш 402.50, вонийн авах ханш 2.36, зарах ханш 2.37 төгрөг байна.
Өнөөдөр болох онцлох үйл явдлууд:
- 09:00 цагт С.Баярцогт, Б.Ариунсан, Б.Бямбасайхан, Б.Бадрал, Д.Ганболд нарт холбогдох хэргийн шүүх хурал болно.
- 09:30 цагт Б.Хурц, Б.Бямбажав, Г.Эрдэнэбат нарт холбогдох хэргийн шүүх хурал болно.
- 11:00 цагт Эрүүл мэндийн яамны байранд коронавируст халдварын цар тахлын нөхцөл байдлын талаар мэдээлнэ.
Энэ өдөр дэлхийн түүхэнд:
- Өнөөдөр Гондураст Инженерчүүдийн баяр тохиож буй.
- 1486 оны энэ өдөр Италийн зураач Андреа дел Сарто мэндэлжээ.
- 1936 оны энэ өдөр Aмерикийн жүжигчин Фиби Кэйтс мэндэлжээ.
- 1967 оны энэ өдөр АНУ-ын жүжигчин, хошин шогч Вилл Феррелл мэндэлжээ.
- 1965 онд Франц, Италийг холбосон "Mont Blanc" нүхэн гарц нээгджээ.
